Taraptar osy jazda Astana men Tıanszınde ótken Qazaqstan men Qytaı basshylary kelissózderiniń qorytyndysy boıynsha qol jetkizgen ýaǵdalastyqtardy iske asyrý barysyn qarastyrdy.
Kezdesý kún tártibiniń basty máselesiniń biri ózara saýdany ásirese aýyl sharýashylyǵy salasynda arttyrý boldy. Qytaı statıstıkasyna sáıkes bıylǵy qańtar-qyrkúıekte Qazaqstan men Qytaı arasyndaǵy saýda aınalymy 35,4 mlrd dollardy (+7,4%) qurady, onyń ishinde Qazaqstannyń Qytaıǵa eksporty 13,5 mlrd dollarǵa (+9,9%) jáne Qytaıdan ımport 21,9 mlrd dollarǵa (+6,9%) jetti.
«Qytaı naryǵy Qazaqstannyń astyq eksporty úshin úlken qyzyǵýshylyq týdyrady. Keıingi eki jylda Qytaıǵa astyq eksporty bes eseden astam ósip, 1,4 mln tonnaǵa jetti. Memleket basshylarynyń tapsyrmalaryn oryndaý úshin bizge Qytaıǵa astyq eksportyn 2 mln tonnaǵa deıin ulǵaıtý boıynsha qosymsha sharalardy qabyldaý qajet», dedi S.Jumanǵarın.
Osy maqsatqa jetý úshin Qytaı áli de logıstıkany aıtarlyqtaı baıaýlatatyn jekelegen shekteýlerdi saqtap otyrǵandyqtan, shekaradaǵy astyq qabyldaý pýnktteriniń ótkizý múmkindigin arttyrý qajet ekenin basa aıtty.
Taraptar Qazaqstannyń Qytaıǵa daqyl jáne mal eksportyn keńeıtý áleýetin talqylady. Qazir eki el arasynda Qytaı naryǵyna otandyq 34 túrli daqyl jáne mal ónimderin eksporttaý boıynsha hattamalar bar. Qytaı naryǵyna jiberilgen eksporttaýshylar tizimine 2 865 jergilikti kásiporyn kiredi.
Qazaqstan tarapy Qytaıǵa qaýyn men maqta tuqymyn eksporttaýdy ashýǵa ótinim berdi. Kezdesýde jańa ónimderge arnalǵan fıtosanıtarlyq talaptardy úılestirý úderisin bastaý usynyldy. Mal sharýashylyǵy men óńdelgen ónimderdiń, ásirese salqyndatylǵan qoı men sıyr eti, et ónimderi jáne qurǵaq bıe súti eksportynyń kólemi men túrlerin arttyrýǵa erekshe nazar aýdaryldy.
Sondaı-aq Qazaqstannyń veterınarlyq qyzmetteri tekserýleriniń nátıjesi boıynsha Qazaqstannyń soltústik-batys jáne ortalyq aımaqtarynan salqyndatylǵan et eksportyna qoıylǵan shekteýlerdi alyp tastaý máselesi talqylandy.
Lıý Gochjýn eki eldiń naryqtaryna aýyl sharýashylyǵy ónimderin jetkizý boıynsha tıisti vedomstvolar arasyndaǵy úılestirýdi kúsheıtýdi qosa alǵanda, joǵary deńgeıdegi ýaǵdalastyqtardy júzege asyrý úshin birlesip jumys isteýdi jalǵastyrýǵa daıyn ekenin bildirdi.
