Mýzeı ákimshiliginiń málimetinshe, qylmyskerler ǵımaratqa túngi ýaqytta kirip, shyny sórelerdi syndyrǵan. Basylymnyń habarlaýynsha, alty kóne músin urlanǵan.
Damask qalalyq ishki qaýipsizdik basqarmasynyń ókili tergeý organdary urylardy ustaý jáne urlanǵan mádenı muralardy el qazynasyna qaıtarý úshin barlyq qajetti sharalardy qolǵa alǵanyn málimdedi.
1936 jyly irgetasy qalanǵan Sırııa Ulttyq mýzeıi arab álemindegi eń kóne jáne eń bedeldi mádenı ortalyqtardyń biri sanalady. Azamattyq soǵys bastalǵan soń, 2012 jyly mýzeı óz jumysyn toqtatýǵa májbúr bolǵan. 2018 jyly onyń bir bóligi qaıta ashylsa, 2025 jyldyń qańtarynda bılik aýysqannan keıin mýzeı tolyq qalpyna kelip, kelýshilerge esigin aıqara ashqan edi.
