Otanymyz oryndy ilgerilesin desek...

Keshe «Qazaqstan-2050» Jalpyulttyq qozǵalysy Qazaqstan halqy Assambleıasy Keńesiniń Qazaqstan Prezıdentiniń kezekten tys saılaýyn ótkizý týraly bastamasyna oraı, óz málimdemesin jasady. Kezdesýge «Qazaqstan-2050» Jalpyulttyq qozǵalysynyń tóraǵasy Danat Jýmın men medıa dırektor Qanat Áýesbaı qatysty. Búginde ǵalamdyq qarjylyq-ekonomıkalyq daǵdarys barlyq memleketterge óz talaptaryn qoıyp, degenderin jasatyp jatyr. Álemde dinaralyq jáne ult­aralyq tózimsizdik órship, qarýly qaqtyǵystar ýshyǵa túsýde. Syrt­qy faktorlar álemdik saıası sahna­da oryn alǵan jaǵdaılardan aby­roımen shyǵý úshin aldyn alý qadam­daryn jasaýǵa bastap otyr. Al bizdiń memleketimizdiń ol úshin barlyq jaǵdaıy men múmkin­dikteri bar, dedi Q.Áýesbaı óz sózinde. Onyń pikirinshe, Qazaq­stan álemdik qoǵamdastyq tarapy­nan áldeqashan áleýmettik-ekono­mıkalyq jańǵyrýlardyń kósh­basshysy retinde tanylyp otyr eken. Sondaı-aq, ol álemde tole­rant­tylyq pen birliktiń, beıbitshilik pen kelisimniń qazaqstandyq modeli týraly jıi aıtylatynyn da tilge tıek etti. Biz kezekten tys saılaýdyń syrtqy qaýip-qaterlerge berilgen naqty jaýap ekenin qýattaımyz. Sondaı-aq, daǵdarystyń aldyn alýdy kózdeıtin, elimizdiń álem­niń damyǵan 30 eliniń qata­ryna enýin qamtamasyz etetin «Qazaq­stan-2050» Strategııasynyń ári qaraı júzege asyrylýyn qol­daımyz. Bul – Elbasy, Qazaq­stan Respýblıkasynyń Tuńǵysh Prezıdenti Nursultan Nazar­baevtyń saıası baǵdary. Prezıdent­tik saılaý Qazaq­stan­nyń damýyna jáne azamat­tardyń ál-aýqatyn art­tyrýǵa oń yqpal etetinine senim­dimiz, dedi sóziniń sońynda qozǵa­lystyń medıa ­dırektory. Láıla EDILQYZY, «Egemen Qazaqstan». ASTANA.