Memleket basshysy kelissózder barysynda óńirlik jáne jahandyq kún tártibine qatysty pikir almasqanyn jetkizdi.
«Qazaqstan men Reseı kópjaqty alańdarda belsendi ári tabysty yqpaldastyq ornatqan.
Eýrazııalyq ekonomıkalyq odaq, Shanhaı yntymaqtastyq uıymy, Táýelsiz Memleketter Dostastyǵy, Ujymdyq qaýipsizdik týraly shart uıymy jáne basqa da kópjaqty qurylymdar aıasynda is-qımylymyzdy odan ári úılestirýge daıyn ekenimizdi rastadyq», - dedi Prezıdent.
Prezıdent taraptar strategııalyq yntymaqtastyqty odan ári tereńdetýge nıetti ekenin de rastady.
«Qazaqstan-Reseı qarym-qatynasynyń áleýeti zor. Birlesken jumystyń shet-shegi joq. Elderimiz barlyq salada nátıjeli yntymaqtastyq ornatty.
Qazaqstan men Reseı arasynda sheshimin tappaıtyn túıtkil joq. Bul taraptardyń jaýapkershiligi men birlese jumys isteýge qulshynysy joǵary ekenin kórsetedi.
Mazmundy kelissóz júrgizip, qonaqjaılyq tanytqany úshin qurmetti Vladımır Vladımırovıch Pýtınge taǵy da alǵys aıtamyn.
Tatý kórshilik qatynastarymyz bolashaqta da strategııalyq seriktestik pen odaqtastyq muratyna jeteleı beredi dep senemin», – dedi Memleket basshysy.
