Buryn jınalǵan astyq túgelimen memlekettiki sanalyp, ony tutastaı halyqtyki dep esepteıtinbiz. Al qazir astyqty jekemenshik korporasııalar, seriktestikter, qojalyqtar óndiredi. Biraq «Elde bolsa, emersiń» degendeı olardyń tabysynan memlekettik bıýdjetke salyq arqyly tolymdy tabys túsedi. Odan bólek, memleket bıyl bergen 1 trln teńge kómegin 5 paıyzdyq ósimmen ózine qaıtarady. Bul da zor tabys.
Jýyrda, oraq naýqanynyń aıaqtalýyna baılanysty bolǵan Úkimet otyrysynda Premer-mınıstr Oljas Bektenov dıqandardy zor tabysymen quttyqtap, qajyrly eńbekteri úshin olarǵa alǵys bildirdi. Sonymen qatar ol bıyl aýyl sharýashylyǵy óndirisin qoldaýǵa memleket 1 trln teńge qarajat bólgenin, sonyń arqasynda dıqandarǵa tuqym, arzandatylǵan janar-jaǵarmaı, tyńaıtqysh tolyq jetti.
«Jer jaǵdaıy men qolaıly aýa raıy ǵana emes, agrotehnologııalardy tolyq saqtaý da úlken tabysqa jetkizedi. Durys agrotehnologııa – jaqsy eginniń kepili. Sonda ǵana bizdiń ónimderimiz eksporttyq naryqtarda bəsekege qabiletti bolady», dedi O.Bektenov.
Aýyl sharýashylyǵy mınıstri Aıdarbek Saparov keıingi jyldarda aýyl sharýashylyǵy óndirisi turaqty ósim berip otyrǵanyn jetkizdi. «Bıyl 16 mln gektar alqaptan ónim alynyp, gektar ónimdiligi 17 sentnerden boldy», dedi ol. Bul da úlken tabys, buryn gektar ónimdiligi 14 sentnerden aspaıtyn. Demek, agrotehnologııalyq úderister tolyq saqtalsa jer ananyń bereri áli de mol eken. Mınıstrdiń aıtýynsha, jerge kóńil bólý, ərbir alqapty zerttep egý jəne ǵylymı usynysty eskerý mańyzdy.
Mol astyqqa Soltústik Qazaqstan oblysy da óziniń qomaqty úlesin qosty. Byltyr 6,2 mln tonna astyq jınap, oblys tarıhynda rekordtyq kórsetkishke jetse, bıyl óz rekordtyn jańartyp, 6,5 mln tonna astyq jınady. Barlyq agrotehnıkalyq sharalardy óz mezgilinde tolyq oryndaǵan «Zenchenko ı K», «Vagýlınskoe», «Noǵaıbaı», «Arqalyq» sııaqty sharýashylyqtar gektarynan 60 sentnerden jáne odan da joǵary ónim alyp, óz alqaptarynda rekordtyq kórsetkishke qol jetkizdi. Respýblıka kúni qarsańynda «Mambetov jáne K» komandıttik seriktestiginiń mehanızatory Murat Qarajumanovtyń Qazaqstannyń Eńbek Eri joǵary ataǵyn alýy da astyqtyń bıylǵy joǵary shyǵymdylyǵymen baılanysty ekeni daýsyz. Bul marapat barlyq soltústikqazaqstandyq dıqandardyń eńbegine berilgen baǵa boldy.
Úkimet otyrysynda Soltústik Qazaqstan oblysynyń əkimi Ǵaýez Nurmuhambetov qazir 2026 jylǵy egin naýqanyna daıyndyq bastalyp ketkenin jetkizdi. «Egis qurylymyn aldyn ala josparlaý júrip jatyr. Ərtaraptandyrý baǵyty jalǵasady. Sýdy kóp qajet etetin daqyldar azaıtylady. Joǵary tabysty daqyldarǵa basymdyq beriledi», dedi óńir basshysy.
Soltústik Qazaqstan oblysy
