Astanovka basylymynyń málimetinshe, elordada lıft jóndeý kezinde úsh tehnık-jumysshynyń ústine qulap, bireýi qaza tapty, taǵy ekeýi jaralandy.
Oqıǵa «Arystan» turǵyn úı kesheninde bolǵan.
Turǵyndardyń málimetinshe, bir adam oqıǵa ornynda kóz jumǵan, ekeýi jaraqat alǵan.
Turǵyndar keshen paıdalanýǵa berilgen alǵashqy kúnnen bastap jaramsyz lıftiler máselesi bolǵanyn aıtady: adamdar jıi keptelip qalatyn, lıfttiń qulaý jaǵdaılary da birneshe ret qaıtalanǵan.
Oqyrmandardyń jazýynsha, bul «Elorda qurylys kompanııasy» ákimdikpen birlesip salǵan nysan.
Astana ákimdigi men Qoǵamdyq densaýlyq saqtaý basqarmasy Tólebaev kóshesinde jóndeý jumystary kezinde bolǵan qaıǵyly oqıǵa saldarynan bir qyzmetkerdiń kóz jumǵanyn rastady.
- Eki qyzmetker №1 kópsalaly qalalyq aýrýhanaǵa jetkizildi. Bir pasıenttiń jaǵdaıy ortasha aýyr dep baǵalansa, ekinshisiniń jaǵdaıy aýyr. Bir pasıent anestezıologııa, reanımasııa, jansaqtaý bóliminde, ekinshisi jaraqat bóliminde jatyr. Olarǵa barlyq qajetti medısınalyq kómek kórsetilýde, - deligen habarlamada.
