Sýretti túsirgen – Erlan OMAR, «EQ»
Ulttyq statıstıka bıýrosynyń derekterine sáıkes, eń tómengi jalaqyny 16 men 24 jas aralyǵyndaǵy qyzmetkerler alady. Al, eń joǵary tabys 35 pen 44 jas aralyǵyndaǵy qyzmetkerlerge tıesili – 455,1 myń teńge. 45 pen 54 jastaǵylardyń ortasha jalaqysy – 430 myń teńge, 55 jastan asqandar – 377,4 myń teńge, al zeınetkerler – 337,3 myń teńge tabys tabady.
Bilim deńgeıi boıynsha eń joǵary tabys joǵary dıplomy bar mamandarda – 672,5 myń teńge. Ortasha jalaqy – 497 600 teńge. Al, orta bilimdi qyzmetkerlerdiń ortasha jalaqysy 289,7 myń teńgeni qurap, jyldyq ósimi 10,5%-dy kórsetken.
2025 jyldyń III toqsanynda elimizdegi ortasha nomınaldy jalaqy 429,4 myń teńgeni qurady. Bul 2019 jylmen salystyrǵanda 2,3 ese joǵary.
Aımaqtar boıynsha eń joǵary jalaqy kelesi qalalarǵa tıesili:
- Atyraý – 633,3 myń teńge;
- Mańǵystaý – 580,9 myń teńge;
- Ulytaý – 533,6 myń teńgeni.
Al, eń tómengi jalaqy Soltústik Qazaqstan, Jetisý jáne Túrkistan oblystarynda (shamamen 293-295 myń teńge) baıqalady.
Mamandyǵy boıynsha basshylar men memlekettik qyzmetkerler eń joǵary tabys tabady – 685 900 teńge. Ortasha jalaqy – 338 600 teńgeni quraıdy. О́nerkásip, kólik, qurylys salalaryndaǵy jumysshylar, operatorlar jáne júrgizýshiler 460 000 teńgeden astam tabys tabady. Mamandar 443 000 teńge tabady. Bilikti emes jumysshylar 180 200 teńge tabady.
Jynys boıynsha erlerdiń tabysy áıelderden joǵary, ónerkásip salasynda aıyrmashylyq 26,3%-ǵa jetedi, al qyzmet kórsetý men satý sektorynda 4,1%-dy quraıdy.
Jalaqy kólemi boıynsha qyzmetkerlerdiń 31,1%-y – 300-400 myń teńge, 21,7%-y – 200-300 myń teńge, 23%-y – 500 myń teńge tabys tabady. Al, 3,9%-y (130,5 myń adam) – 1,1 mln teńgeden asa jalaqy alatyndar.
