Oblys basshysy óz sózinde Memleket basshysynyń «Qazaqstan aldaǵy úsh jylda tolyqqandy sıfrlyq memleket bolýǵa tıis» degen tapsyrmasyna toqtalyp, osy baǵyttaǵy óńir jetistikterin atap ótti.
«Sıfrlyq transformasııa – búgingi kúnniń basty talaby. Bul baǵytta atqarylyp jatqan jumystar óńirdiń damý deńgeıin aıqyndaıdy. Sondyqtan sapa men turaqty ósim – basty nazarda», dedi óńir basshysy.
Ákimniń aıtýynsha, bıylǵy toǵyz aıdyń qorytyndysy boıynsha aqparat jáne baılanys sektory 12 paıyzǵa ósip, óndiris kólemi 13,7 mlrd teńgege jetti. Smart City ındeksi 70 baldy qurap, ótken jylmen salystyrǵanda eki esege artqan. Qazir oblystaǵy 368 eldi mekenniń 349-y keń jolaqty ınternetpen qamtamasyz etilgen.
261 aýylǵa talshyqty-optıkalyq baılanys jelisi tartylyp, 311 eldi mekende 4G jelisi turaqty jumys istep tur. Alataý qalasynyń Jetigen shaǵyn aýdanynda 5G formatyndaǵy baılanys iske qosyldy.
«Búgingi kúni eńbegimizdiń elengenine qýanyshtymyz. Bul marapat bizge salada jańa jobalardy júzege asyrýǵa serpin beredi», dedi Alataý qalasy ákimdiginiń apparat basshysy Jánibek Qarataev.
Sonymen qatar «Almaty oblysynyń sıfrlyq kóshirmesi» jobasy aıasynda 33 eldi mekenniń sıfrlyq kartasy jasalyp, 2 000 shaqyrymnan astam ınjenerlik jeli tartylǵan. О́ńir aýmaǵynda 9 myńnan astam ıntellektýaldy beınebaqylaý júıesi ornatyldy. Al oblys ortalyǵy Qonaev qalasynda jasandy ıntellekt tehnologııasyna negizdelgen alǵashqy Qonaev AI júıesi iske qosyldy.
Almaty oblysy
