– Biz bul matchty kúttik. Barlyǵy daıyn, tek Mýrodjon Halmatov jaraqat alyp qaldy. Erteńgi oıyn bárin kórsetedi.
– Erteń shabýylǵa den qoıǵan oıyn kúte alamyz ba?
– Bilesizder, biz eski túsinikterden birtindep bas tartyp jatyrmyz. Bbelgili bir baǵytty tańdadyq. Qarsylastyń kúshin, motıvasııasyn, maqsatyn jaqsy túsinemiz. Biz ózimizge maksımaldy mindet qoıdyq. Jankúıerler úshin de, ózimiz úshin de nátıje birinshi orynda. Eger jaqsy nátıje bolsa, ol aldaǵy ýaqytta serpin beredi. Tek qorǵanysta otyryp, jaqsy nátıjege jetý qıyn. Oıynshylarmen teorııalyq ári motıvasııalyq jumystar júrgizdik. Qarsylas biz qanshalyqty múmkindik bersek, sonshalyqty nátıjeli oınaıdy. Al olardyń bizge óz oıynyn kórsetýge qanshalyqty múmkindik beretinin erteń kóremiz.
– Bolashaqqa qatysty suraq. Bas bapker laýazymyna kandıdattar týraly jańalyqtar toqtap qaldy. Bul sizdiń ornyńyzda qalatynyńyzdy bildire me?
– Biz – ulttyq qurama retinde jınalyp otyrmyz. Klýbtaǵy kelesi maýsymǵa daıyndyq áli bastalǵan joq. Sheteldik maman máselesine kelsek, ol – basshylyq sheshetin suraq. Eki oıyndy ótkizip alaıyq, sodan keıin aldaǵy qadamdardy sóılesemiz.
– Oıyn jospary qandaı?
– Alǵashqy oıynda jigitter jaqsy oınady. Biraq Soltústik Makedonııa men Belgııa oınaǵan matchty kórdińizder, qansha soqqy jasaldy, biraq gol soǵylmady. Bul – fart pa, álde joly bolmaý ma? Árıne, bizde A jáne V jospary bar. Qýat eskertý lımıtine baılanysty oıyndy ótkizip aldy. Qazir oǵan laıyqty aýysatyn oıynshyny daıarlap jatyrmyz. Oıyn ústinde qıyn bolady. Biz eki nusqany da oıynshylarǵa kórsetip, bárin taldadyq. Jigitterdiń oıyn tonýsy jaqsy.
Biz jas oıynshylardy izdedik. Bul baǵytta Álı Álıev jumys istedi. Farer araldaryna qarsy oıynda rotasııa jasaýdy josparlap otyrmyz. Qyzyqty bolady dep oılaımyn. Dáýren Jumattyń debıýttik oıyny aýyr ótti, sharshańqy boldy. Bizdiń chempıonat aıaqtaldy. Oıyn tonýsynda júrgenderge basymdyq beriledi. Negizgi quram qalyptasyp keledi. Básekelestik bar. Quramdy jattyǵýdan keıin anyqtaımyz.
– О́tken jıynǵa Qashkendi, bul joly Qusaıypovty shaqyrdyńyzdar. Oıynshylardy shaqyrýda qandaı da bir statıstıkaǵa súıendińizder me?
– Statıstıkaǵa qaraǵan joqpyz. Sergeı Malyı men Ular Jaqsybaev jaraqat alǵandyqtan, Dinmuhamed Qashkendi shaqyrdyq. Onyń múmkindikterin jaqsy bilemiz, avans retinde shaqyrdyq. Qazir qatarymyzda Malyı, Álip, Qasym bar. Sondyqtan Talǵat Qusaıpov pen Saǵadat Tursynbaı bar. Álipten ózge sol pozısııada sheber oınaıtyn, ásirese sol aıaǵy jaqsy jumys isteıtin fýtbolshylar joq ekenin túsinemiz.
– Erteń Dastan Sátpaev oınaı ma?
– Onyń jaraqaty bar, ony bilemiz. 3-4 kún buryn sóılestik. Ol – úlken kásibı oıynshy. Jattyǵýda kóremiz, eger aýyrsyný bolsa, ózi aıtady.
– Jeremı Dokýǵa qarsy qandaı jospar bar?
– Iá, onyń qandaı formada ekenin kórip otyrmyz. Ol oınaıdy, biz de oınaımyz. Biz jeke opeka qoımaımyz. Bizde de jaqsy oıynshylar bar. Belgııa – tek Doký emes, búkil komanda myqty.
