12 eldiń oryndaýshylaryn biriktirgen jáne álem boıynsha mıllıondaǵan kórermen jınaǵan bul mýzykalyq shoýdyń 9-shy epızody maýsymdaǵy eń shıeleniske toly ári áserli shyǵarylymdardyń biri boldy.
Jartylaı fınal qorytyndysy boıynsha aqtyq kezeńge myna ónerpazdar ótti:
• ALEM (Qazaqstan)
• Iаzmın Azız (Malaızııa)
• Avtandıl Abeslamıdze (Grýzııa)
• Mıshel Djozef (Mońǵolııa)
• Chjan He Sıýan (Qytaı)
• Saro Gevorgıan (Armenııa)
• Madınaboný Ádilova (О́zbekstan)
Halyqaralyq qazylar alqasynyń aıtýynsha, sońǵy epızod aldyndaǵy shyǵarylym eń kúrdeli kezeń boldy: qatysýshylar alǵash ret qazaq eliniń 6eluchchi, A.Z., Marjan Arapbaeva jáne Mona Songz sekildi ártistermen birge dýet oryndady. Bul olardyń vokalyn jańa stılde tanytýǵa múmkindik berdi.
Jartylaı fınalıster ózderiniń avtorlyq ánderin, ulttyq týyndylaryn jáne óz elderiniń hıtterin oryndap, halyqaralyq deńgeıge laıyq sheberlikterin kórsetti.
Buryn-sońdy bolmaǵan geografııa
Silk Way Star – aýqymy jaǵynan mundaı aýqymdy deńgeıdegi ártisterdi biriktirgen Ortalyq Azııadaǵy alǵashqy vokaldyq joba. Baıqaýǵa Ázerbaıjan, Armenııa, Grýzııa, Qazaqstan, Qytaı, Qyrǵyzstan, Malaızııa, Mońǵolııa, Tájikstan, Túrikmenstan, О́zbekstan jáne Ońtústik Koreıa elderdiń oryndaýshylary qatysyp jatyr. Olardyń barlyǵy – halyqaralyq baıqaýlardyń jeńimpazdary, tanymal ártister jáne óz mýzykalyq mektepteriniń jarqyn ókilderi.
Alǵashqy epızodtardan bastap-aq joba aımaq elderi arasyndaǵy shyǵarmashylyq almasýǵa arnalǵan biregeı keńistik qalyptastyratyn iri kross-mádenı medıaónimge aınaldy. Buǵan qosa, Silk Way Star sońǵy jyldardaǵy eń aýqymdy mýzykalyq jobalardyń birine aınaldy. Qatysýshy elderdegi jáne halyqaralyq telearnalardaǵy translıasııalardyń jıyntyq aýdıtorııasy 1 mlrd kórermennen asady. Mundaı qamtý jobany Ortalyq Azııanyń jańa mádenı brendine aınaldyryp, tutas aımaqtyń mýzykasyna qyzyǵýshylyqty arttyra túsedi.
Silk Way Star jobasy alty memlekettiń telearnalarynan kórsetildi. Olar:
• Space TV (Ázerbaıjan)
• «Safına» (Tájikstan)
• «Mýzyka» jáne «Madanııat» (Qyrǵyzstan)
• UBS jáne «AIST Global» (Mońǵolııa)
• Zor TV (О́zbekstan)
• Georgian Times (Grýzııa)
Qazaqstandaǵy epızodtar ár senbi saıyn 20:00-de Jibek Joly arnasynda jáne 22:30-da halyqaralyq Silk Way arnasynda kórsetiledi. Joba qazirdiń ózinde aımaqtyń dástúrleri, tilderi men shyǵarmashylyq mektepterin biriktiretin jańa mádenı dıplomatııa quraly atandy.
Fınaldyq epızod 22 qarashada, saǵat 20:00-de Jibek Joly telearnasynda tikeleı efırde kórsetiledi. Translıasııalar bir ýaqytta Qazaqstan, Ázerbaıjan, Tájikstan, Qyrǵyzstan jáne Mońǵolııada kórsetiledi. Alǵashqy azııalyq megajobanyń jeńimpazy aralas júıe boıynsha anyqtalady:
50% – qazylar sheshimi, 50% – onlaın daýys berý. Árbir kórermen silkwaystar.org saıtynda óziniń súıikti qatysýshysyn qoldaı alady.
Silk Way Star jobasy Prezıdent Teleradıokesheni men Qytaıdyń China Media Group (CMG) medıa korporasııasy arasyndaǵy kelisim aıasynda júzege asyrylyp keledi.
