Foto JI kómegimen jasaldy
Ataýly kúnniń tarıhy ekinshi dúnıejúzilik soǵyspen baılanysty. 1939 jyldyń 17 qarashasynda Pragada fashıster cheh stýdentterin qyryp salady. Bul qasiretti oqıǵa búkil Eýropany dúr silkindiredi. 1946 jyly ótken Dúnıejúzilik stýdentter kongresi osy oqıǵany negizge alyp, 17 qarashany halyqaralyq stýdentter kúni retinde belgiledi.
Búginde merekeniń taýqymetti tarıhy umytylyp, stýdentterdiń kóńil kóterip, jastyqtyń jazǵy jannatyn birge sezinetin kúnge aınaldy. Aqyn Qadyr Myrza Áliniń tómendegi óleń shýmaǵy stýdentterdiń saf sanasyn, alańsyz ómirin dál sýretteıdi:
«Bastalmaǵan qalanyń dastany áli
Birinshi jyl dala dep jas tamady.
Birinshi jyl aýyly esten ketpeı,
Besinshi jyl qımaıdy astanany».
Ulttyq statıstıka bıýrosynyń deregine súıensek, dál qazir elimizde 625 myń stýdent bilim alyp jatyr.
