Foto: Ashyq derekkóz
Biryńǵaı QR-kod – jańa qyzmet emes, jańa standart. Endi ár tutynýshy jobaǵa qatysqan jaǵdaıda banktiń qosymshasy arqyly kez kelgen saýda núktesinde tólem jasaı alady.
Tengenomika arnasynyń málimetinshe, qazir jobada Halyk, Kaspi, Nurbank, Freedom, Bereke, RBK, Home Credit, BCC, Altyn jáne Forte sııaqty iri oıynshylar bar. Osylaısha, bólshek tólem naryǵynyń 90%-dan astamy qamtylǵan, bul biryńǵaı júıege ótý úshin qajetti massa bolyp esepteledi.
«Tehnıkalyq jaǵynan, biryńǵaı QR jeke ekojúıelerdiń bóliný effektisin joıady. Saýda úshin bul kassadaǵy termınaldardyń azaıýyn bildiredi, bankter úshin tólem arnalaryn ustaý shyǵyndaryn ońtaılandyrady, al paıdalanýshylar úshin tranzaksııalyq kedergiler tómendeıdi.
Naryq endi tıimdi ózara árekettesý júıesine ótedi. Iаǵnı básekelestik «tólemniń qoljetimdiligi» emes, qyzmetter, jyldamdyq, yńǵaılylyq jáne keshbek boıynsha bolady. Bul sala damýyn jedeldetedi jáne bıznestiń shyǵyndaryn azaıtady. Sonymen qatar shaǵyn bıznesti ulǵaıtýdy jeńildetip, sıfrlyq qyzmetterdiń odan ári damýyna jol ashady», dep jazady arna sarapshylary.
