Foto: Ashyq derekkóz
Atom energııasy jónindegi agenttiginiń baspasóz qyzmetiniń habarlaýynsha, baıqaýǵa 16 jastan asqan 27 157 Qazaqstan azamaty qatysty. Ár qatysýshy bir ǵana ataý usyný múmkindigine ıe bolǵan.
«Konkýrs komıssııasynyń qorytyndy otyrysynyń nátıjesi boıynsha azamattardan eń kóp usynylǵan «Balqash» atom elektr stansııasy» ataýy jeńimpaz dep tanyldy. Tańdalǵan ataý atom elektr stansııalaryn geografııalyq belgi boıynsha ataý jónindegi halyqaralyq tájirıbege de sáıkes keledi», delingen habarlamada.
Sonymen qatar baıqaý komıssııasy nysannyń orys jáne aǵylshyn tilderindegi ataýlaryn anyqtady:
- «Atomnaıa elektrostansııa «Balhash»»;
- «Balkhash Nuclear Power Plant».
