• 09 Mamyr, 2015

Uly jeńis

580 ret

kórsetildi

1 mın

oqý úshin

Egemen Qazaqstan

Uly Otan soǵysy qaısarlyq pen qaharmandyq úlgisin kórsete bilgen erjúrek sarbazdarymyzdyń el men jerge degen orasan zor súıispenshiligi men qajyr-qaıratyn minsiz dáleldegen aıbyn alańyna aınalǵan edi. «Eshkim de umytylmaıdy, eshteńe de umyt qalmaıdy». О́ıtkeni, ol búginde jyr men sazdyń júregindegi búlkildep soǵyp turǵan tirshiliktiń tamyryna aınalyp úlgergen qubylys. Muny taqyryp ózegine arqaý etken qaı týyndy bolmasyn nazdy, sazdy, boıdaǵy sezimdi seldeı tasytar ózgeshe qudiretke ıe desek, ótken jyldar jańǵyryǵyn jadymyzǵa sýytpaı qondyratyn mundaı jalyndy únder 70 jyl boıy úzilmeı shyrqalyp keledi. Erlikti talmaı jyrlaýǵa ásirese, aqyndar men kompozıtorlardyń qosyp kele jatqan úlesi ushan-teńiz. Sonyń biri, mysaly, sózin aqyn Jupar Aqtompyshqyzy Qojaq, al mýzykasyn belgili kompozıtor Serik Ábdinurov jazǵan «Uly Jeńis» áni. Jeńis rýhyn qýanyshty, jigerli qalypta jyrlaıtyn shyǵarmashylyq dýettiń bul dúnıesi respýblıkalyq óner báıgesinde júldeli birinshi oryndy qanjyǵasyna baılaǵan bolatyn. Áni: Serik Ábdinurov Sózi: Jupar Qojaq

Qyrǵyn selin toqtatqan,

jaqyndy, jardy joqtatqan, senim, beınet aqtatqan, Otandy, eldi saqtatqan. Qaıyrmasy: Qan keship kútken Jeńis! Jan keship kútken Jeńis! Taryǵyp jetken, zaryǵyp jetken, saǵynyp jetken Jeńis!

Jaýdy jeńip jaıratqan,

san elde bulbul saıratqan, jerdi gúldeı jaınatqan, qazanyn toıdyń qaınatqan. Qaıyrmasy: Qan keship kútken Jeńis! Jan keship kútken Jeńis! Erlikpen jetken, órlikpen jetken, birlikpen jetken Jeńis!

Shattyq toıyn toılatqan,

baqytqa boıdy boılatqan tórde sábı oınatqan, qadirin kúnniń oılatqan. Qaıyrmasy: Qan keship kútken Jeńis! Jan keship kútken Jeńis! armandap jetken, araılap jetken, ańsatyp jetken Jeńis!