Foto: BQO PD
17 qarasha kúni Chapaı – Jańaqala – Saıqyn oblystyq mańyzy bar avtojoldyń 50-shaqyrymynda Toyota Camry men Volkswagen Sharan avtokólikteri soqtyǵysyp, bir kólik órtendi.
Oqıǵa saldarynan segiz adam qaza taýyp, taǵy tórteýi aýrýhanaǵa jetkizildi. «Osy oqıǵa boıynsha qylmystyq is qozǵaldy. Aldyn ala boljam boıynsha júrgizýshiniń biri joldyń qarsy baǵytyna shyǵyp ketken bolýy múmkin», deıdi BQO Polısııa departamenti bastyǵynyń orynbasary Ernar Sultanǵalıev.
«Aýa raıy qalypty jáne jol jabyndysynyń jaǵdaıy qanaǵattanarlyq bolǵan, kórinis jaqsy, qozǵalysqa syrtqy kedergiler bolmaǵan. Oqıǵa ornynda tártip saqshylary, jedel tergeý toby jáne TJ departamentiniń qyzmetkerleri jumys istep jatyr. Jol apatynyń tolyq mán-jaıy tergeý aıasynda anyqtalady», dep habarlady oblystyq polısııa departamentiniń baspasóz qyzmeti.
Qazir oqıǵa ornyna polısııa qyzmetkerleri, jedel-tergeý toby jáne Tótenshe jaǵdaılar departamentiniń qyzmetkerleri baryp, anyqtaý jumysyn júrgizip jatyr.
Oblystyq densaýlyq saqtaý basqarmasy jaraqat alǵan 4 naýqastyń da jaǵdaıy ortasha deńgeıli aýyr ekenin, Aqjaıyq aýdandyq aýrýhanasyna jetkizilgenin habarlady. Olarǵa medısınalyq tekserý júrgizilip, em jasalyp jatyr
