Aqynnyń otbasy men týǵan-týystaryna, barsha aǵaıynǵa qaıǵyra kóńil aıtamyn!
Kúlásh Dildáqyzy ulttyq poezııaǵa ózgeshe lep ákelgen qalamy qýatty, óleńi shýaqty, ádebıetimizdiń shoqtyǵy bıik qalamgeri edi.
Abyz Ábish Kekilbaıuly aıtqandaı, «jyry kúnniń nuryndaı, gúldiń árindeı, súttiń óńindeı, bóbektiń ıisindeı» aqyn bolatyn.
Onyń qalamynan týǵan el men jerge degen súıispenshilikke toly týyndylar oqyrman júregine jetip, tereń sezimge jeteledi. Aqyn óleńderinen bıik bolmysy, ór rýhy, adam janyn dál tanyp, ishki álemin kórkem de qýatty tilmen ashatyn erekshe sheberligi aıqyn ańǵarylady.
Qalamger ǵıbratty ǵumyrynda móldir jyrymen, kórkem júzimen qazaq poezııasynyń aq gúli atanyp, halqynyń ystyq yqylasyna bólendi.
Ol názik te syrshyl, ómirsheń óleńderinde barsha qazaq qyzynyń jan sezimin, júrek únin kórkem kesteledi.
Kúlásh apamyzdyń jarqyn beınesi men ónegeli ómir joly jurtshylyqtyń jadynda máńgi saqtalady dep senemin.
Alla Taǵala apamyzdyń jatqan jerin jaryq, topyraǵyn torqa etsin!
Baqul bolyńyz, apa!
Aıda Balaeva,
Mádenıet jáne aqparat mınıstri
