Foto: Ashyq derekkóz
Eńbek jáne halyqty áleýmettik qorǵaý mınıstrliginiń málimetinshe, bıyl elge kelgen qandastardyń 45,6%-y О́zbekstannan, 42,3% – Qytaıdan, 4,1% – Túrikmenstannan, 2,9% – Monǵolııadan, 2,6% – Reseıden jáne 2,5%-y basqa elderden.
Al, 1 qarashadaǵy jaǵdaı boıynsha eńbekke qabiletti jastaǵy etnıkalyq qonys aýdarýshylar sany 57,6%-dy, eńbekke qabiletti jastan kishi 33,9%-dy jáne zeınetkerler 8,5%-dy quraıdy.
«Eńbekke qabiletti jastaǵy qandastardyń ishinen bilim deńgeıi boıynsha 15,2%-y joǵary bilimdi, 28,2%-y orta kásibı bilimdi, 50,5%-y jalpy orta bilimdi, jáne 6,1%-y bilimi joq. Qonys aýdarǵan etnıkalyq qazaqtar respýblıkanyń túrli óńirlerine qonystandy. Sonymen birge, qandastardy qonystandyrý úshin kelesideı eńbek kúshi tapshy óńirler anyqtaldy: Aqmola, Abaı, Qostanaı, Pavlodar, Atyraý, Batys, Shyǵys jáne Soltústik Qazaqstan oblystary», delingen habarlamada.
Bıyl qonystandyrý óńirlerinde qandastardy qabyldaý kvotasy 2 309 adamǵa jetken. 2025 jylǵy 1 qarashadaǵy jaǵdaı boıynsha qonystandyrý óńirlerine 1 942 qandas qonys aýdarǵan.
Eserińizge sala keteıik, joǵaryda atalǵan óńirlerde qonystanǵan qandastarǵa kóshýge sýbsıdııa túrinde memlekettik qoldaý sharalary usynylady – bir mezgilde otaǵasyna jáne otbasynyń árbir múshesine 70 AEK (275,2 myń teńge) mólsherinde; turǵyn úı jaldaýǵa jáne kommýnaldyq qyzmetterge aqy tóleýge – bir jyl ishinde 15-ten 30 AEK (59-dan 118 myń teńgege deıin) mólsherinde.
Sonymen qatar 2025 jyldyń basynan beri 1010 qandasqa túrli qoldaý sharalary kórsetildi, olardyń arasynan 313 adam turaqty jumysqa ornalastyryldy.
