Qaza bolǵan balalardyń eń kishisi – 2024 jyly týǵan, qalǵandary – 2009, 2010, 2012, 2015, 2017, 2019 jáne 2021 jyldary dúnıege kelgen. Balalardyń beseýi bir otbasynan shyqqan – úsh qyz jáne eki ul. Basqa otbasynan 2018 jyly týǵan qyz bala aman qaldy.
О́rttiń saldarynan eki eresek jáne bir bala aýrýhanaǵa jetkizilgen. Olardyń jaǵdaılary aýyr, biraq turaqty. Qazirgi tańda barlyǵy jansaqtaý bóliminde jatyr.
Esterińizge sala keteıik, 18 qarasha kúni tańerteń Jetisaı aýdanyndaǵy Alǵabas aýylynda qaıǵyly oqıǵa boldy. Jeke úıde bolǵan órtten 12 adam, onyń ishinde toǵyz bala qaza tapty.
Prezıdent Qasym-Jomart Toqaev órtten qaza tapqandardyń otbasylaryna kóńil aıtyp, Úkimet pen oblys ákimine barlyq qajetti kómek kórsetýdi jáne qaıǵyly oqıǵanyń sebebin anyqtaýdy tapsyrdy.
