О́shpes erlik izderi

«Biz – Jeńis urpaǵymyz!» áskerı-patrıottyq estafetasy Qyzyljar óńirinde birneshe kúnge jalǵasyp, aǵa urpaqtyń óshpes erligin pash etti. Aksııa Dostastyq elderi Prezıdentteriniń Jeńistiń 70 jyldyǵyn merekeleý týraly birlesken is-sharalar sheńberinde atqarylyp, jastar arasynda patrıottyq tárbıeni nyǵaıtýǵa baǵyttalǵan. – Adamnyń atamekenge, týǵan jerge degen perzenttik mahab­batyn, súıispenshilik sezimin qalyptastyrýdy kózdeı­tin mundaı sharalardyń ma­ńyzy zor. Sol sebepti Ult­tyq ulannyń garnızondary men áskerı bólim­derinde keńi­nen atap ótiledi, – deıdi uıym­dastyrýshylar. 1941 jyly 15 jeltoqsanda Aqmola (Astana) qalasynda qurylǵan 72-shi gvardııalyq atqyshtar dıvızııasynyń Jaýyn­gerlik týynyń estafetanyń bas­ty atrıbýty retinde alynýynyń ózindik máni bar. Áskerı qurama joryq joldaryn Máskeýden Berlınge deıin jalǵastyryp, jaýǵa qarsy joıqyn soqqylar jasaǵany úshin «gvardııalyq» ataq berilgen. Qazaqstan Respýblıkasy Ulttyq gvardııasynyń áskerı bólimderinde keń kólemde atalyp jatqan Biz – Jeńistiń muragerimiz!» estafetasynyń kezekti sherýi oblys ortaly­ǵyndaǵy Jeńis saıabaǵynda jal­ǵasty. 72-shi gvardııalyq dıvı­zııanyń Jaýyngerlik týynyń kóshirmesin tabys etýge arnalǵan saltanatty jıynǵa oblys ákiminiń orynbasary Vladımır Býbenko, Uly Otan soǵysy men eńbek ardagerleri, Petropavl áskerı ınstıtýtynyń kýrsanttary, 6637 áskerı bóliminiń jaýyngerleri, ishki ister departamentiniń jáne jastar ókilderi qatysty. Ulttyq ulannyń Petropavl áskerı ınstıtýtynyń basshysy, polkovnık Jumabek Ahmetov saltanatty rásimde sóılegen sózinde fashızmdi jeńýge Qazaqstannyń teńdessiz úles qosqanyn, Uly Otan soǵysy jyldary elimizde 25 áskerı qurama, 50 jeke polk pen batalon qurylǵanyn, solardyń biri qazirgi elordada jasaqtalǵan 459-shy atqyshtar dıvızııasy (keıin 29-shy) bolyp tabylatynyn, jaýyngerlerdiń, serjanttar men ofıserlerdiń jappaı kórsetken erligine oraı 72-shi gvardııalyq atqyshtar dıvızııasy mártebesin ıelengenin atap kórsetti. Áskerı qurama 721 eldi mekendi, 13 iri qalany azat etýge qatysqan. Dańqty dıvızııanyń 18 myńnan astam jaýyngerleri men ofıserleri ordendermen, medaldarmen marapattalǵan. 31 qaharman Keńes Odaǵynyń Batyry atanǵan. Astanalyq ınternasıonalıst-jaýyngerler za­­pastaǵy general-maıor Marat Már­denovtiń basshylyǵymen dı­vı­zııanyń júrip ótken jaý­yngerlik joldaryna ekspedısııa uıymdastyrǵan. Sondaı sátterdiń birinde Vol­gograd qalasynyń ákimdigi dıvızııanyń Jaýyngerlik týynyń kóshirmesin qazaqstandyqtarǵa tartý etken. Qazaqstannyń Prezıdenti, Qarýly Kúshterdiń Bas Qolbasshysy N. Nazarbaev saltanatty jaǵdaıda tabys etken bul jádiger Ulttyq gvardııanyń 5573 áskerı bóliminde máńgi saqtalatyn bolady. Jeńistiń 70 jyldyǵyn toılaý aıasynda 5 mamyrǵa deıin ótkiziletin estafetanyń basty atrıbýty «Ortalyq» óńirlik basshylyqtyń áskerı bólimderin aralap, Qy­zyljar topyraǵyna jetti. Ony Kókshetaý qalasyndaǵy 5510 áskerı bólimniń komandıri, podpolkovnık Janbolat Tólegenov Petropavl qalasyndaǵy 6637 áskerı bólimniń komandıri, polkovnık Aqıqat Jumaqanovqa saltanatty jaǵdaıda tabys etti. – Árbir úshinshi soltús­tik­qazaqstandyq Uly Otan soǵysyna attanyp, jaýmen shaıqasty. Maıdan dalasynda erlik kór­set­ken 64 jerlesimiz Keńes Oda­ǵynyń Batyry jáne «Dańq» ordenderiniń tolyq ıegeri boldy. Oblys ortalyǵynda jasaqtalǵan 314-shi atqyshtar dıvızııasy 20-dan astam qalany, 1 myńdaı eldi mekendi jaýdan tazartýǵa qatysty. Soǵys jyldarynda Petropavlǵa kóship kelgen 20 zaýyt pen áskerı gos­pıtaldar jeńisti jaqyndatý úshin aıanbaı eńbek etti. Maıdan dalasyna tyl eńbekkerleriniń janqııarlyǵymen vagon-vagon azyq-túlik pen jyly kı­im jóneltildi. Biz «etigimen sý keship, muz jastanǵan» maıdangerlerimizdi jáne tyl eńbekkerlerin ardaq tutamyz. Jat jerden topyraq buıyrǵan bozdaqtar júregimizde máńgi saqtalady, – dedi jınalǵandarǵa arnaǵan sózinde oblys ákiminiń orynbasary Vladımır Býbenko. Uly Otan soǵysynyń ardageri Petr Glazkov erlik jaıly jyr­laryn oqydy. Ishki ister departamentiniń basshysy, polısııa general-maıory Berik Bilálov urpaq sabaqtastyǵy aıasynda uıymdastyrylyp jatqan sharalardyń mańyzdylyǵyna toqtaldy. Saltanatty rásim sońynda Ulttyq ulannyń 6637 áskerı bóliminiń jaýyngerleri, Petropavl áskerı ınstıtýtynyń kýrsanttary, polısııa qyz­metkerleri Jaýyngerlik tý­dyń aldynan sap túzep ótti. Arda­gerler Jeńis baǵyndaǵy eskert­kishke gúl shoqtaryn qoıdy. Budan keıin Jaýyngerlik týdyń kóshirmesin Petropavl áskerı ınstıtýty saltanatty túrde qabyldap aldy. Áskerı-patrıottyq estafeta sheńberinde uıymdastyrylǵan sharalar óz dárejesinde ótti. О́mir ESQALI, «Egemen Qazaqstan». Soltústik Qazaqstan oblysy. Sýretti túsirgen Amangeldi BEKMURATOV.