Foto: Vıdeodan alynǵan kadr
Saǵat shamamen 17:30-da mýzeıge kirgen blogerler tekseristen esh qıyndyqsyz ótý úshin aldyn ala aıla oılap tapqan. Olar Lego bólshekterinen qurastyrylǵan, ońaı sheshiletin jáne qaıta jınalatyn ramka jasaǵan.
«Qaýipsizdik qatań bolatynyn bildik, sondyqtan Lego ramkasyn qoldandyq. Barlyq bólshekterdi dúken paketine salyp óttik», deıdi Senne.
Nátıjesinde, jospar oıdaǵydaı oryndalyp, olar tańdaǵan jerine kartınany ilip, sýretke túsip ketip qalǵan.
Mýzeı ákimshiligi BFMTV-ge bergen jaýabynda blogerlerdiń alyp júrgen zattary Lývr erejelerine qaıshy kelmeıtinin, sondyqtan olardy kirgizýge tyıym salý múmkin bolmaǵanyn aıtty.
«Olar ramkany jınap, qaýipsizdik tekserisinen ótkennen keıin ornatqan. Aldymen Mona Lıza qasyna ilýge tyrysqan, biraq beınebaqylaýdy kórip, zaldaǵy bos jerge birneshe sekýnd ishinde bekitip ketken», dep habarlaıdy mýzeı basshylyǵy.
Mýzeı qyzmetkerleri portretti úsh mınýtqa jetpeı taýyp, alyp tastaǵan. Zalǵa eshqandaı zııan kelmegenimen, Lývr bul oqıǵaǵa qatysty shaǵym túsirý múmkindigin qarastyryp jatyr. Lývrda bir aı buryn oryn alǵan urlyq dereginen keıin, bul prank mýzeıdiń qaýipsizdik júıesine qatysty alańdaýshylyq týdyrdy.
6 qarashada Fransııanyń Esep palatasy jarııalaǵan esepte Lývrdaǵy beınebaqylaýdyń azdyǵy men qaýipsizdik júıesin jańartýdaǵy kidirister synǵa alynǵan.
«Mýzeı kózge kórinetin jobalarǵa basymdyq berip, ǵımarattar men tehnıkalyq ınfraqurylymdy, sonyń ishinde qaýipsizdik júıelerin jańartýdy keıinge qaldyrdy», delingen esepte.
