Foto: pixabay.com
Onyń aıtýynsha, agenttik fınteh jáne telekom kompanııalary kórsetetin jekelegen qarjylyq qyzmetterge qatysty jańa retteý talaptaryn engizýdi josparlap otyr. Tıisti normalar qazir talqylanyp jatqan qujatqa engiziledi.
«Biz bank týraly zań jobasyn ázirlegen kezde fınteh jáne telekom-kompanııalardyń, sondaı-aq marketpleıster men saýda alańdarynyń nesıe berý qyzmetin júzege asyratynyn jan-jaqty talqyladyq. Iаǵnı, olar qaryz beredi. Eger bul tolyqtaı «nesıe» anyqtamasyna sáıkes kelse, onda qaryz alýshylardyń quqyqtaryn qorǵaý úshin dál sondaı retteý talaptaryn engizý qajet», dedi M.Ábilqasymova.
Agenttik basshysynyń aıtýynsha, bul normalar 2026 jyly ázirlenip, qabyldanady.
«Qazirgi ýaqytta biz bankterge qatysy joq, qarjy uıymdaryna kirmeıtin marketpleıster óz taýarlary men qyzmetterin nesıe nemese bólep tóleý arqyly usynyp otyrǵanyn kórip otyrmyz. Iаǵnı, bul – fakti boıynsha nesıe qyzmeti, onyń barlyq belgileri bar. Eger ol nesıeniń belgilerine ıe bolsa, onda ol nesıe retinde rettelýi tıis», dep esepteıdi KNRDA tóraǵasy.
Mundaı qarjylyq ónimder úshin syıaqynyń shekti mólsherlemeleri belgilenedi jáne tutynýshylardyń quqyqtaryn qorǵaýǵa qatysty barlyq talaptar qoldanylady.
«Eger ónimniń tabıǵaty boıynsha ol nesıe bolsa, onda oǵan tıisti retteý qajet. Taǵy da atap ótkim keledi: bul telekom jáne fınteh kompanııalarynyń búkil qyzmetin retteý emes, tek agenttiktiń qadaǵalaýyna jatatyn qarjylyq qyzmetterin retteý. Mundaı jaǵdaıda biz olar úshin basqa da kredıttik uıymdardaǵydaı birdeı talaptardy belgileýimiz kerek», dedi ol.
Buǵan deıin XIII Qarjygerler kongresinde agenttik basshysy telekom jáne fınteh kompanııalary tarapynan beriletin nesıeler jalpy sharttar boıynsha retteletinin habarlap, osy kezge deıin mundaı ónimder tıisti baqylaýmen qamtylmaǵanyn aıtqan.
