Shetel jumys kúshin (ShJK) tartýǵa ruqsattardyń arasynda mynadaı sanattar bar: basshylar men olardyń orynbasarlary úshin 544 ruqsat (birinshi sanat), qurylymdyq bólimshelerdiń basshylary úshin 2 245 ruqsat (ekinshi sanat). Tartylǵan ShJK negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe olar 3 774 jáne 1 118 adam. Sondaı-aq maýsymdyq jumystarǵa 2 780 adam, al korporatıvtik aýystyrý aıasynda 4 003 adam tartyldy.
– Qazirgi ýaqytta Qazaqstanda ShJK paıdalanatyn 1 857 jumys berýshi bar. Olarda 335,4 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 96%-y.
Ekonomıkalyq qyzmet túrleri boıynsha eń kóp jumys isteıtinder: qurylys salasynda – 4 908 adam, aýyl, orman jáne balyq sharýashylyǵy – 2 808 adam, taý-ken ónerkásibi jáne karerlerdi qazý – 1 173 adam, óńdeý ónerkásibi – 1 105 adam, – dep jazylǵan Eńbek jáne halyqty áleýmettik qorǵaý mınıstrligi dereginde.
Eńbek mıgranttary keletin negizgi elder: Qytaı – 5 405 adam, О́zbekstan – 2 455 adam, Túrkııa – 1 042 adam, Úndistan – 1 012 adam.
Ishki eńbek naryǵyn qorǵaý maqsatynda Eńbek jáne halyqty áleýmettik qorǵaý mınıstrligi jyl saıyn respýblıkaǵa shetel mamandaryn tartýǵa kvota belgileıtinin jáne bóletinin esterińizge salamyz. 2025 jyly jalpy kvota respýblıkadaǵy jumys kúshiniń sanyna qatysty 0,2% mólsherinde nemese 14,8 myń birlik bolyp belgilengen, al osy jyldyń naýryz aıynan bastap jergilikti atqarýshy organdardyń ótinimderine baılanysty mınıstrdiń buıryǵymen 16,5 myń birlikke deıin ulǵaıtyldy.
Aǵymdaǵy jyldyń tamyz aıynan bastap maýsymdyq sheteldik jumysshylardyń eńbek qyzmetin júzege asyrý úshin kásipter tizbesiniń keńeıýine baılanysty mınıstrdiń buıryǵymen jalpy kvota respýblıkadaǵy jumys kúshi sanyna qatysty 0,25% nemese 19,4 myń birlik mólsherinde belgilendi.
