Taraptar tranzıttik tasymaldar salasyndaǵy yntymaqtastyqty keńeıtý jáne qazaqstandyq agroónimderdi Baltyq elderi arqyly eksporttaý kólemin ulǵaıtý perspektıvalaryn talqylady.
Astyq jóneltýshilerdi memlekettik qoldaý sharalary qazaqstandyq agroónimniń álemdik naryqtarǵa jetkizilý kóleminiń artýyna yqpal etti. 2024-2025 marketıngtik jyl ishinde Baltyq porttary arqyly 672 myń tonna qazaqstandyq astyq eksporttaldy. Sonyń ishinde shamamen 116 myń tonnasy Sıllamıae porty arqyly ótip, Soltústik Afrıka elderine jóneltildi. Atap aıtqanda, ulttyq astyq operatory «Azyq-túlik kelisimshart korporasııasy» UQ» AQ qazir de Estonııa porttary arqyly Aljır satyp alýshylaryna astyq jiberýdi jalǵastyrýda.
Aqmola oblysynyń agrarlary ótken maýsymda Muuga Grain Terminal arqyly Eýropa elderine (Italııa men Belgııaǵa) bıdaı eksporttady.
Aıdarbek Saparov Baltyq porttary turaqty eksporttyq baǵyttardy qalyptastyrýda mańyzdy ról atqaratynyn atap ótti:
– Biz Estonııamen yntymaqtastyqty joǵary baǵalaımyz jáne sizderdiń elderińizdi qazaqstandyq ónimdi logıstıka, saqtaý jáne jóneltý salasyndaǵy strategııalyq seriktes retinde qarastyramyz. Osy ýaqytqa deıin qolǵa alynǵan tasymaldar Estonııa porttarynyń ınfraqurylymdyq daıyndyǵyn kórsetip, yntymaqtastyqty keńeıtý áleýetiniń zor ekenin dáleldedi, – dedi mınıstr.
Sondaı-aq ol Qazaqstan Baltyq porttary arqyly astyq pen maıly daqyldar eksportynyń kólemin arttyrýǵa múddeli ekenine toqtaldy.
Bıyl qazaqstandyq agrarlar 27 mln tonna rekordtyq astyq jınady, onyń ishinde 20,3 mln tonnasy bıdaıǵa tıesili. Estonııa porttaryna qoljetimdilikti keńeıtý eksporttyq baǵyttardy ártaraptandyrýǵa, sondaı-aq qazaqstandyq agroónimniń Eýropa jáne Soltústik Afrıka naryqtaryna shyǵýyna qosymsha múmkindikter ashady.
Kezdesý nátıjesinde Estonııa porttary men «Azyq-túlik kelisimshart korporasııasy» UQ» AQ jáne «Kedentransservıs» arasynda yntymaqtastyq týraly memorandýmǵa qol qoıý máselesi talqylandy. Qujattar seriktesterdiń kólik dálizin birlesip damytý, logıstıkalyq prosesterdi ońtaılandyrý jáne qazaqstandyq ónimdi shetel naryqtaryna turaqty jáne básekege qabiletti jetkizilimdi qamtamasyz etýge degen yntasyn bekitedi
