Foto: Ashyq derekkóz
«Inflıasııany tejeý úshin Úkimet tarapynan mynadaı negizgi baǵyttar boıynsha sharalar kúsheıtiletin bolady: naryqty ónimmen molyqtyrý; saqtaý jáne tutynýshyǵa deıin jetkizý ınfraqurylymyn damytý; baǵa belgileýdi retteý jáne monopolııaǵa qarsy retteý», dedi Serik Jumanǵarın.
Sonymen qatar «Investısııalarǵa tapsyrys» baǵdarlamasy óndiristerdi damytýǵa, ásirese «qarapaıym zattar ekonomıkasy» taýarlaryn ilgeriletýde qoldanylady. Sondaı-aq, jobalardy júzege asyrý keıbir negizgi azyq-túlik taýarlary boıynsha ózin-ózi tolyq qamtamasyz etý men eksportqa shyǵýdy qamtamasyz etedi.
Serik Jumanǵarın marketpleısterde baǵanyń ashyqtyǵyn arttyrý jóninde sharalardy atap ótti. Oǵan taýarlar qunyna kiretin syıaqylar, komıssııalar jáne basqa tólemder týraly aqparatty tolyq kórsetý kiredi.
«Satýshylar men satyp alýshylar úshin ádil jaǵdaılar qalyptastyrý maqsatynda saýda alańdary men deldaldar komıssııalarynyń deńgeıin ońtaılandyrý tásilderi ázirlenedi. Tutynýshylardyń quqyqtaryn qorǵaý maqsatynda marketpleısterde bólip tólegen jáne bólip tólemegen kezde qosarlanǵan baǵalar praktıkasy engiziledi», dedi ol.
