Foto: Inform.kz
Bıyl Qazaqstan ekonomıkasy turaqty sapaly ósim kórsetip otyr. Osy jyldyń 10 aıynyń qorytyndysy boıynsha ekonomıkanyń ósýi 6,4%-dy qurady. Bul týraly Úkimet otyrysynda Premer-mınıstrdiń orynbasary – ulttyq ekonomıka mınıstri Serik Jumanǵarın málimdedi.
Onyń málimetteri boıynsha, naqty sektordaǵy ósý qarqyny 8,2%-dy qurady, al qyzmet kórsetý óndirisi 5,3%-ǵa ósti. Salalar arasynda kólik qyzmetteri (ósim 20,7%-ǵa), qurylys (15,1%-ǵa) jáne taý-ken ónerkásibi (9,6%-ǵa) eń joǵary ósimdi kórsetedi. Saýda – 9%-ǵa, óńdeý ónerkásibi – 5,8%-ǵa, aýyl sharýashylyǵy – 5,4%-ǵa ósti.
Baıandamada óńdeý ónerkásibine erekshe nazar aýdaryldy, onda jalpy ósim 5,8%-dy qurady. О́ńdeý ónerkásibinde mashına jasaýda óńdiristiń 11,5%-ǵa, onyń ishinde avtomobıl jasaýda – 13,3%-ǵa, tamaq ónimderinde – 9,1%-ǵa, sýsyndarda – 8,7%-ǵa, hımııa ónerkásibinde – 10,9%-ǵa, munaı óńdeýde – 6,3%-ǵa, metall buıymdarynda – 14,1%-ǵa ósýi qamtamasyz etildi.
2026-2028 jyldary ekonomıka jylyna orta eseppen 5%-dan tómen emes deńgeıde ósetin bolady
«Sapaly ekonomıkalyq ósimdi qamtamasyz etý úshin shıkizattyq emes sektorlardy damytýǵa, eńbek ónimdiligin arttyrýǵa, ekonomıkany tehnologııalyq jańartýǵa jáne sıfrlandyrýǵa basa nazar aýdarylatyn bolady. Jyl saıyn óńdeý ónerkásibi men AО́K-de 100-den astam ınvestısııalyq jobany iske qosý josparlanýda. Metallýrgııa, mashına jasaý, munaı-gaz hımııasy jáne AО́K-de joǵary qaıta bólýdiń 17 iri jobasyn júzege asyrý jalǵasýda. 2029 jylǵa deıin Ulttyq ınfraqurylymdyq jospardy júzege asyrý mańyzdy ról atqaratyn bolady. Belsendi kezeńge Energetıkalyq jáne kommýnaldyq sektorlardy jańǵyrtý jónindegi ulttyq jobany júzege asyrý kiredi», dep atap ótti Serik Jumanǵarın.
