Foto: Ashyq derekkóz
Naýqastarǵa kómek kórsetý úshin Túrkistan jáne Shymkent qalalarynan sanavıasııa arqyly bes maman – toksıkologtar men eresekter jáne balalar reanımatologtary jiberilgen.
Vıse-mınıstrdiń málimetinshe, naýqastardyń jaǵdaıy birshama turaqtanǵannan keıin olardy Shymkent nemese Astana qalasyna aýystyrý múmkindigi qarastyrylyp jatyr.
Esterińizge sala keteıik, keshe Túrkistan oblysy Jetisaı aýdanynyń Alǵabas aýylynda eki qabatty jeke turǵyn úı órtenip, 12 adam mert boldy. Onyń 9-y bala. Qyzyl jalyn 360 sharshy metrdi sharpyǵan.
Memleket basshysy jeke úıde bolǵan órttiń saldarynan qaza tapqandardyń týystaryna kóńil aıtty.
Sonymen qatar Prezıdenttiń tapsyrmasy boıynsha Túrkistan oblysy Jetisaı aýdany Alǵabas aýylyndaǵy jeke úıde bolǵan órttiń sebepterin tergeý jónindegi Úkimettik komıssııa quryldy.
Jeke turǵyn úıdegi órttiń saldarynan eki eresek jáne bir bala aýrýhanaǵa jetkizilgen. Qazirgi tańda barlyǵy jansaqtaý bóliminde jatyr.
Qaza bolǵan balalardyń eń kishisi – 2024 jyly týǵan, qalǵandary – 2009, 2010, 2012, 2015, 2017, 2019 jáne 2021 jyldary dúnıege kelgen. Balalardyń beseýi bir otbasynan shyqqan – úsh qyz jáne eki ul. Basqa otbasynan 2018 jyly týǵan qyz bala aman qaldy. Oqıǵa ornynan sýretter jarııalandy.
Vıse-premer Qanat Bozymbaev órttiń sebepterin tergep-tekserý boıynsha qurylǵan Úkimettik komıssııa múshelerine birqatar tapsyrma berdi.
