Foto: Ashyq derekkóz
«О́tken jyly jańa jyldyq kezeń tynysh ótti. Bıyl da sondaı bolady dep úmittenemiz. Fermerlerdiń tabys tabýyna múmkindik berý úshin biz azyq-túlik baǵasyn tejegen joqpyz. Qatań retteý ádisteri qoldanylmady», dedi Serik Jumanǵarın.
Sonymen qatar vıse-premer keıbir ónimderdiń baǵasynyń ósýi áli de túsiniksiz ekenin atap ótti.
«Keıbir ónimderdiń baǵasy únemi ósip turady. Bul tańqalarlyq. Munda spekýlıatıvti faktorlar bolýy múmkin», dedi Jumanǵarın.
Vıse-premer ásirese, qyzanaq pen qııar baǵasyna toqtalyp, elde olar jetkilikti kólemde óndirilmeıtinin, al jylyjaıda ósirýdiń ózi qymbat ekenin aıtty.
«Jalpy, azyq-túlik sebetinde taýardyń 160 túri qamtylǵan. Qazir negizinen áleýmettik mańyzy bar azyq-túlik taýarlarynyń tizimine kirmeıtin ónimderdiń baǵasy ósip jatyr. Áleýmettik mańyzy bar azyq-túlik taýarlarynyń baǵasy ósip jatqan joq. Osy aıdyń eki aptasynda 0,1 paıyz ǵana ósti. Áleýmettik mańyzy bar azyq-túlik taýarlarynyń baǵasy óspeıdi dep oılaımyn. О́ıtkeni ony baqylap otyrmyz. Onda saýda ústemesin baqylaýǵa múmkindik, barynsha qatań shekteý bar», dedi ol.
