Aqtóbe oblysynyń ákimi Ashat Shaharov Ortalyq kommýnıkasııalar qyzmetindegi brıfıngte Aqtóbe qalasynda jańa fýtbol stadıonyn salý jospary týraly aıtty.
– Stadıonǵa qatysty, bastapqyda qujattama boıynsha suraqtar týyndady, sebebi ÝEFA talaptaryn oryndaý ońaı emes, bul úlken qarjyny qajet etedi. Oryn sany boıynsha biz eýrokýbok matchtaryn eskerdik: oıyndar kezinde qosymsha arqyly 160 myńnan astam bıletke suranys boldy, al ishki chempıonat oıyndaryna suranys 50-55 myń bıletke deıin jetedi. Sondyqtan biz 35 myń kórermenge arnalǵan stadıon salýǵa sheshim qabyldadyq. Buǵan deıin aıtqanymdaı, mamandardyń qorytyndysy boıynsha qurylysty eki jyl ishinde aıaqtaýǵa múmkindik bar, – dedi Shaharov.
Qazirgi tańda Qazaqstandaǵy eń úlken stadıon – «Astana Arena» (30 myń oryn). Qurylys aıaqtalǵannan keıin Aqtóbedegi jańa stadıon eldegi eń syıymdy arenaǵa aınalady. Al “Aqtóbe” klýbynyń qazirgi stadıony Qobylandy batyr atyndaǵy arena 12 myń jankúıerge arnalǵan.
