Sýret: eskeldi-eli.kz
Turǵylyqty jeri boıynsha onlaın-tirkeýden ótý úshin paıdalanýshyǵa elektrondyq sıfrlyq qoltańba (ESQ) jáne onyń jeke kabınetine tirkelgen telefon nómiri (MAB) qajet. Qyzmet tolyq avtomattandyrylǵan jáne onlaın túrde júzege asady. Bul qyzmet alý ýaqytyn aıtarlyqtaı qysqartady. Sondaı-aq azamattar bul qyzmetti Halyqqa qyzmet kórsetý ortalyqtarynyń ózine-ózi qyzmet kórsetý aımaqtarynda onlaın rásimdeı alady.
Qyzmet kelesi sanattaǵy azamattarǵa kórsetiledi: birinshi, Qazaqstan Respýblıkasynyń azamattaryna, onyń ishinde turǵyn úı ıelerine; ekinshi, sot sheshimimen áreketke qabiletsiz nemese áreket qabileti shekteýli bolyp tanylǵan 18 jastan asqan azamattardyń qorǵanshylary men zańdy ókilderine; úshinshi, 14-16 jas aralyǵyndaǵy balalardyń ata-analaryna nemese zańdy ókilderine. Al 14 jasqa deıingi balalar jeke tirkeýge turmaıdy. Qazaqstan Respýblıkasy Azamattyq kodeksiniń 16-babyna sáıkes, on tórt jasqa tolmaǵan balanyń turǵylyqty jeri onyń ata-anasynyń nemese zańdy ókilderiniń turǵylyqty jeri sanalady. 14 pen 16 jas aralyǵyndaǵy balalardy ata-analary nemese zańdy ókilderi tirkeıdi. Sot sheshimimen áreketke qabiletsiz dep tanylǵan 18 jastan asqan azamattardy da olardyń qorǵanshylary «eGov.kz» portaly arqyly jańa mekenjaıǵa tirkeı alady.
Azamat QUSAIYN
