Búginge deıin tamasha dástúrge aınalǵan baıqaýdan talaı talant tusaýyn kesip, óner álemine qanat qaqty. Sondyqtan bul festıvaldyń orny bólek.
Saltanatty is-sharaǵa Mádenıet jáne aqparat vıse-mınıstri Evgenıı Kochetov pen Astana qalasy ákiminiń orynbasary Eset Baıken qatysyp, quttyqtaý sóz sóıledi.
Bıyl festıvalǵa 800-den astam qatysýshy kelgen. Olardyń arasynda álemniń 9 elinen kelgen talantty jastar da bar. Qazaq ulttyq óner ýnıversıtetiniń ǵylymı jáne shyǵarmashylyq jumystary jónindegi prorektory Raýshan Nurtaza bul – baıqaý jas shyǵarmashylyq ıeleri úshin eń úlken alań ekenin aıtady.
О́ner báıgesine kelgen jastar 8 atalym boıynsha baq synaıdy. Olar:akademııalyq án aıtý, kameralyq mýzyka, folklorlyq mýzyka, beıneleý óneri, poezııa jáne estradalyq vokal. Qatysýshylardyń deni – hor, ansambl jáne shyǵarmashylyq top sekildi ujymdyq quramdar. Al qazylar alqasy Qytaı, Italııa, Ázerbaıjan, Reseı jáne О́zbekstan elderinen kelgen bilikti mamannan quralǵan.
Mádenı is-sharaǵa sonaý Qyrǵyz jerinen at arytyp kelgen qatysýshynyń biri – Ýrmat Satybaldıev. Ol áriptesimen birge «Estradalyq vokal» atalymynda óner kórsetedi. «Baıqaý týraly jaqynda estidim. Sodan birden jınalyp, osynda keldik. Bári de joǵary deńgeıde uıymdastyrylǵan. Kóńilimnen shyǵyp jatyr», dedi ol.
Astanany ásem án men ǵajap kúıge bóleıtin óner festıvali bas shahardaǵy birneshe konsert alańynda ótedi. Baıqaýdyń jabylý rásimi men gala-konserti 22 qarashada bolady.
Azamat QUSAIYN
