Foto: Sý resýrstary jáne ırrıgasııa mınıstrligi
«Qazsýshar» RMK bas dırektorynyń mindetin atqarýshy Ánýar О́skenbaevtiń aıtýynsha, AWC – sý máselelerine sheshim izdeýdi maqsat etetin jetekshi sý platformasy.
«AWC sý resýrstarymen aınalysatyn uıymdarmen, onyń ishinde úkimettermen, akademııalyq jáne zertteý mekemelerimen, úkimettik emes jáne halyqaralyq uıymdarmen belsendi jumys isteıdi. Olardyń qatarynda Dúnıejúzilik sý keńesi, Halyqaralyq sý resýrstary qaýymdastyǵy, Ekonomıkalyq yntymaqtastyq jáne damý uıymy, Azııa damý banki sııaqty uıymdar bar. Sondyqtan AWC quramyna ený bizge Azııadaǵy sý salasy boıynsha jahandyq kásibı jeliniń jumysyna qatysýǵa múmkindik beredi», dedi Á.О́skenbaev.
Azııa sý keńesi 2016 jyly naýryzda qurylǵan, shtab-páteri Koreıa Respýblıkasynyń Tedjon qalasynda.
