Kıberqadaǵalaý kúsheıe tústi

Degenmen ınternetti paıdalanatyn alaıaqtar da aılasyn asyryp, azamattardan aqsha jymqyrýdyń jańa tásilderin oılap taýyp otyr. Polıseıler osydan da uıaly telefon ustaǵan kez kelgen adam alaıaqtardyń arbaýyna túsýi múmkin ekenin aıtady. Ǵalamtor jelisine júrgizilgen monıtorıng nátıjesinde zańǵa qaıshy belgileri bar 5,5 myńnan asa saıt pen silteme anyqtalyp, buǵattaý úshin «Kıberqadaǵalaý» júıesine engizildi. Quzyrly organdar halyq arasynda saqtyq sharalaryn únemi eskertip, nátıjelerin áleýmettik jelilerde keńinen jarııalap ta keledi. Soǵan qaramastan, jıǵan qarjysyn alaıaq­tarǵa ustatyp, amaly quryp otyr­ǵandar az emes.

Bıylǵy 9 aıda oblys kóleminde ınternettegi alaıaqtyq qylmystyń 454 deregi tirkelip, ótken jyldyń ­osy kezeńimen salystyrǵanda 128%-ǵa ósip­ti. Baıqońyr qalasynda júrgizilgen ­je­del-izdestirý is-sharalary nátıje­sinde ­24 jas­taǵy turǵynnan uıaly baılanys júıelerin zańsyz paıdalaný arqyly abonenttik nómirlermen bir mezette jappaı qońyraý shalýǵa arnal­ǵan 32 slotty «Sim-boks» qurylǵysy tabyldy. Onyń baspanasyn tintý barysynda «Sim-boks» qurylǵysynan bólek, 2 noýtbýk, modem jáne banktik tólem kartalary anyqtalyp, aıǵaq zat retinde tárkilengen.

Almaty men Túrkistan qalalarynda júrgizilgen operasııalar nátıjesinde kópten beri azamattardyń qarajatyn alaıaqtyq jolmen jymqyryp, tabys kózine aınaldyryp kelgen qylmystyq toptyń joly kesildi. Olar «Instagram» jelisinde «Nesıe alýǵa kómektesemiz!» degen jalǵan jarnama jarııalap, qyzyǵýshylyq tanytqan azamattardy aldap, attaryna nesıeler rásimdetip, qarajattaryn býkmekerlik keńseleri arqyly zańsyz ıemdenip otyrǵan. Tergep-tekserý barysynda osy qylmysty uıymdastyrýshy 24 jastaǵy Túrkistan qalasynyń turǵyny Almaty qalasynan ustaldy. Kúdiktiden qylmystyq maqsatta qoldanylǵan 3 uıaly telefon, 14 SIM karta, banktik tólem kartalary jáne 2 paketke sa­lynǵan esirtki zatyna uqsas aq tústi un­taq aıǵaq zat retinde tárkilendi. Qyl­mystyq shemanyń qalǵan 4 qaty­sý­shysyna qatysty tergep-tekserý áreketi júrgizilip jatyr. Buǵan deıin 131 epızodty ınternettegi alaıaqtyq qylmysyn jasaǵan Astana qalasynyń 30 jastaǵy turǵyny quryqtalyp, oǵan qatysty qylmystyq isterdiń barlyǵy sotqa joldanǵan edi.

«Kıberqadaǵalaý» aqparattyq júıe­siniń áleýmettik jelide júrgiz­gen monıtorıngi arqasynda alaıaqtyq­tan bólek sıntetıkalyq esirtkini jar­namalap kelgen 1 120 saıttyń jumy­sy toqtatylypty. Jalpy, esirtki qyl­mysyn boldyrmaý baǵytynda jyl basynan beri 237 quqyq buzýshy­lyq anyqtalyp, zańsyz aınalymnan 1 ton­na 570 kılogramm esirtki zattary tárkilengen.

Qyzylorda