Vashıńton Zelenskııge AQSh ázirlegen jańa ramalyq baǵdarlamany «namysty qoıa turyp» qabyldaý qajettigin ańǵartqan. Josparda Ýkraına tarapy belgili bir aýmaǵyn bosatý men qarýly kúshterdi shekteý kerektigi jazylǵan.
«Biz qazir de, báz-baıaǵydaı, AQSh, Eýropa hám álemdegi kúlli seriktesterimizben beıbitshilikke jetkeretin konstrýktıvti jumys isteýge daıynbyz», delingen Zelenskıı ofısiniń Telegram paraqshasyndaǵy habarlamada.
Al eýropalyq memleketter beısenbi kúni AQSh josparyna qarsy shyqty. Reuters derekkózderiniń málimetinshe, Ýkraına odaqtastary bul sharttardy «jeńilýmen para-par» dep baǵalap otyr.
Buǵan deıin buqaralyq aqparat quraldary AQSh-tyń Ýkraınaǵa arnalǵan beıbitshilik josparynyń mazmunyn jarııalaǵan edi. Onda Ýkraına armııasynyń sanyn qysqartý jáne Kıevtiń Donbass aımaǵynan bas tartýy kózdelgen.
