Sýret JI kómegimen jasaldy
«Pavlodar oblysy polısııa departamentiniń kınologııalyq qyzmet ortalyǵy qylmysqa qarsy kúreste qyzmettik-izdestirý ıtterin saýatty ári barynsha tıimdi paıdalanýdy maqsat etken birtutas tetik retinde jumys isteıdi. Búginde ortalyqta polısııada 22 qyzmettik ıt bar. Olar nemis ovcharkalary, labradorlar, spanıelder, belgııalyq ovcharkalar», dep habarlaıdy Pavlodar oblysy PD kınologııalyq qyzmet ortalyǵynyń bastyǵy Nııaz Ýálıev.
Qyzmettik ıtterdiń kún tártibi naqty josparlanǵan. Ár tań veterınarlyq tekserýden bastalyp, odan ári baǵyttary boıynsha jattyǵýlarmen jalǵasady. Kún saıyn polısııaǵa túrli shaqyrtýlar túsip jatady.
Qyzmetkerler oqıǵa ornyna jedel túrde shyǵady. Itter de adamdar sekildi sezinedi, alańdaıdy, sondyqtan olar óz qyzmetterin barynsha jaýapkershilikpen atqarýǵa tyrysady. Olar barlyq komandalardy múltiksiz oryndap, túrli jaǵdaılarda kómekke keledi: joǵalǵan zattardy izdeýden bastap qylmyskerlerdi ustaýǵa deıin.
«Munyń artynda polısııa qyzmetimen ómirin baılanystyrǵan kásibı kınologtardyń uzaq ári tynymsyz eńbegi jatyr. Kınologtar úshin qyzmettik ıtter – óz balasyndaı. Olar kúshikterdi kishkentaı kúninen bastap tárbıelep, baptap, meıirim men qamqorlyq tanytady. Qyzmettik ıtterdiń ótkir ıis sezimin jáne adaldyǵyn eshbir tehnıka almastyra almaıdy», deıdi tártip saqshysy.
Jyl basynan beri qyzmettik ıtter arqyly 150-den astam qylmys ashyldy, onyń ishinde 55-i esirtki qylmystary boıynsha. Máselen, polısııanyń Býran atty erjúrek qyzmettik ıt polısııada 5 jyldan beri qyzmet atqaryp keledi. Ol esirtki zattaryn izdeý baǵytynda mamandanǵan. Onyń kómegimen ondaǵan qylmys ashylǵan.
Pavlodar qalasynda Gerıng – Elgına kósheleriniń qıylysynda polıseıler tekserý maqsatynda Nissan avtokóligiń toqtatty. Júrgizýshimen áńgimelesý barysynda «Boran» atty qyzmettik ıt minez-qulqymen avtokólik salonynda kúmándi zat bar ekenin kórsetti. Kóliktiń artqy oryndyǵynyń astyn tekserý kezinde tártip saqshylary ósimdik tektes sur-jasyl tústi eki brıketti anyqtady.
