Foto: Ashyq derekkóz
Aıta keteıik, qashyqtan oqytý tek naqty qajettilik týyndaǵan jaǵdaıda engiziledi.
«Tek synyptaǵy oqýshylardyń 30 paıyzdan astamy densaýlyq jaǵdaıyna baılanysty sabaqqa qatyspaǵan jaǵdaıda ǵana balalar mektepke kelmeıdi. Qazirgi ýaqytta 415 bastaýysh synyptary onlaın oqýda, bul – 6 692 oqýshy. Sondaı-aq, 5-11 synyptardaǵy 577 synyp qashyqtan bilim alyp jatyr», delingen habarlamada.
Buǵan deıin 7 oblysta balalar arasynda JRVI men tumaý órship, 132 mektep ýaqytsha qashyqtan oqytý formatyna kóshken edi.
Al, 20 qarashadan bastap Qostanaı, Rýdnyı qalalary men Altynsarın, Qostanaı aýdandarynda 29 mekteptiń jekelegen synyptary da qashyqtan oqı bastaǵan.
Sonymen qatar Pavlodar oblysy boıynsha 150 synyptyń oqýshylary qashyqtan oqýǵa kóshirildi.
Densaýlyq saqtaý mınıstrligi sońǵy aptada oqýshylar arasynda 6 myńnan astam JRVI oqıǵasy tirkelgenin habarlady. Bul – eldegi barlyq naýqastardyń shamamen 4%-y.
