Mınıstrdiń aıtýynsha, jýyrda Tashkentte ótken «Han Sultan. Altyn Orda» operasynyń premerasy úlken jetistikke jetti. Buǵan shyǵarmashylyq salany qoldaýǵa úles qosqan Halyk qaıyrymdylyq qory, Samruk-Kazyna Trust, «Qazaqstan Halyq Banki» AQ jáne Freedom Holding Corp kompanııasynyń eńbegi zor.
Sapar barysynda Aıda Balaeva Armenııadaǵy Qazaqstannyń Mádenıet kúnderi aıasynda Erevandaǵy Radıo úıine baryp, qazaq kompozıtorlarynyń sırek arhıvtik jazbalarymen tanysty. Armıan taraby usynǵan tarıhı aýdıomaterıaldar negizinde mınıstrlik Halyk qorynyń qoldaýymen erekshe jobany iske asyrǵan. Qazaq opera jáne estrada óneriniń sheberleri Ermek Serkebaev, Álibek Dinishev, Roza Rymbaeva jáne basqa da maıtalmandardyń oryndaýyndaǵy týyndylar jınaqtalǵan arnaıy vınıl serııasy jaryqqa shyqty.
«Atalǵan serııa – ulttyq mádenı muramyzdy saqtaý isine qosylǵan mańyzdy úles ári qazaq mýzyka óneriniń asyl qazynasyn keler urpaqqa jetkizýge baǵyttalǵan erekshe jobalardyń biri», dedi mınıstr Facebook áleýmettik paraqshasynda.
Aıda Balaeva ulttyq ónerdi saqtaý ári halyqaralyq deńgeıde tanytý isine atsalysyp júrgen barlyq seriktesterge alǵys bildirip, osyndaı jobalardyń jas urpaqqa rýhanı mura qaldyrýdaǵy mańyzyn jetkizdi.
