Astanada Mesrop Mashtos atyndaǵy kósheniń ashylatyny týraly alǵash ret Memleket basshysy Qasym-Jomart Toqaevtyń 2024 jylǵy sáýirde Erevanǵa jasaǵan resmı sapary barysynda jarııalanǵan edi.
О́z quttyqtaý sózinde Mádenıet jáne aqparat mınıstri Aıda Balaeva kósheniń ashylýy eki halyqtyń dostyq, ózara túsinistik pen mádenı birlikti nyǵaıtýǵa degen umtylysynyń jańa sımvoly ekenin atap ótti.
«Búgingi is-shara – armıan halqyna degen qurmetimiz ben dostyq peıilimizdiń belgisi. Osy jyldyń sáýir aıynda Erevanda qazaqtyń uly aqyny – Abaı Qunanbaıulynyń atyndaǵy saıabaq ashyldy. Endi ol jerde oıshyldyń qundy murasy ulyqtalady. Búgin Qazaqstanda Mesrop Mashtostyń esimi berilgen kósheni ashý arqyly biz osy ıgi qadamǵa qurmetpen jaýap berip, rýhanı mura – mádenıetterimiz qos ózenniń saǵasyndaı toǵysatyn, bir-birin baıyta túsetin keńistik ekenin taǵy bir dáleldeımiz», dedi Aıda Balaeva.
Saltanatty is-shara barysynda sóz sóılegen Armenııa Respýblıkasynyń Bilim, ǵylym, mádenıet jáne sport mınıstri Janna Andreasıan armıan ǵalymynyń esimin ulyqtaý halyqtardyń ózara qurmeti men dostyǵy, mádenı yntymaqtastyǵy tarıhyndaǵy jańa beles ekenin atap ótti.
«Erevanda Abaı saıabaǵynyń, endi mine, Astanadaǵy Mashtos kóshesiniń ashylýy eki el mádenıetin jalǵaǵan kópir ispetti. Bul kópir arqyly tek uly tulǵalardyń esimderi ǵana emes, beıbitshilik pen bilim, shyǵarmashylyq pen dostyq sııaqty ortaq qundylyqtar da urpaqtan urpaqqa taraıdy. Armenııa men Qazaqstan – tarıhy tereń, uly oıshyldarynyń rýhanı murasyn ulyqtap, keleshekke umtylǵan memleketter. Eki el arasyndaǵy yntymaqtastyq qashanda bir-birin tolyqtyryp, baıytyp otyratyn seriktestikke negizdelgen. Sondyqtan Mashtos kóshesiniń ashylýy bizdiń mádenı jáne bilim salasyndaǵy baılanystarymyzdy jańa deńgeıge kóteretin mańyzdy qadam dep bilemin», dedi Janna Andreasıan.
Aıta keteıik, is-shara Armenııa Premer-mınıstri Nıkol Pashınıannyń resmı sapary aıasynda ótti.
Mesrop Mashtos – Armenııa tarıhyndaǵy asa mańyzdy tulǵa. Onyń aǵartýshylyq qyzmeti ulttyq jazba mádenıetiniń negizin qalap, bilim men ádebıettiń damýyna zor serpin berdi. Bul armıan halqynyń tarıhı bolmysyn saqtaýǵa yqpal etken sheshýshi faktorlardyń biri boldy.
