Foto: pinterest.com
Aldymen qandaı kýpıýra qaı jyly jańaratynyn aıtaıyq. Amerıka bul jumysty naqty kestemen bóledi. 2026 jyly jańarǵan 10 dollar shyqpaq. 2028 jyly 50 dollar aınalymǵa qosylady. 2030 jyly 20 dollar ózgeredi. 2032 jyly jańa 5 dollar shyǵady. Al 2034 jyly halyq kóp kútken jańa 100 dollar jaryq kóredi.
Amerıka nelikten aqshanyń túrin jańartýǵa kiristi degen suraq jıi qoıylady. Sebebi keıingi jyldary jalǵan dollar kóbeıdi. Qoldan jasaıtyndar úlken prınter men sandyq qurylǵylardy qoldana bastady. Tipti úsh ólshemdi qurylǵymen de jasalǵan aqsha kóbeıgen. Mundaı aqshany arnaıy qurylǵysyz anyqtaý qıyn bolyp barady. Sol sebepten jańa qorǵanys tásilderi qajet boldy.
Jańa dollar tek qaýipsizdik úshin emes, qoljetimdilik úshin de ózgeredi. Amerıka tarıhynda birinshi ret kýpıýra betine saýsaqpen seziletin arnaıy belgi qoıylady. Bul relef belgisi RTF dep atalady. Belgi arqyly kózi nashar kóretin adam aqshanyń nomınalyn sıpap anyqtaı alady.
Endi eski dollar máselesine toqtalaıyq. Federaldyq rezerv júıesiniń málimeti boıynsha 1914 jyldan beri shyqqan barlyq dollar óz kúshinde qalady. Iаǵnı eski aqshany ózgertý nemese ótkizý qajet emes. Olar Amerıkada árqashan qabyldanady. Aıyrbas oryndarynyń eski dızaın dep komıssııa ustaýy zańǵa qaıshy.
