Bul – óńir úshin jańa halyqaralyq baǵyt, endi turǵyndar Eýropaǵa esh kidirissiz, tike jete alady.
Ushaq bıletteriniń baǵasy jarııalandy: ekonom-klass 528 AQSh dollary (283 myń teńge), al premıým-klass 1210 AQSh dollary (648 myń teńge) shamasynda.
Alǵashqy kezeńde reıster aptasyna bir ret oryndalady: juma kúni Atyraýdan, al dúısenbi kúni Mılannan keri ushyp shyǵady. Keıinirek kompanııa jıilikti arttyryp, aptasyna eki reıske deıin jetkizýdi josparlap otyr.
Jańa baǵyttyń ashylýyna Italıan-qazaq saýda palatasy qoldaý kórsetip, eki el arasyndaǵy iskerlik baılanystardy nyǵaıtýǵa úles qosty. Jańa baǵyt iskerlik baılanystardy jeńildetip, eki el arasyndaǵy saparlardy yńǵaıly etpek, dep boljanyp otyr.
Atyraý úshin bul – Mılanǵa ashylǵan alǵashqy tikeleı áýe qatynasy. Jańa baǵyt óńir turǵyndarynyń saıahat múmkindikterin keńeıtse, bılet baǵasy qazirdiń ózinde jergilikti halyq arasynda basty talqylaý taqyrybyna aınaldy.
