Atyraýlyq 16 jasar jasóspirimniń isi sotta qaralyp jatyr

ATYRAÝ. 19 aqpan. Atyraý oblysynyń ákimi Baqtyqoja Izmuhambetov halyq aldyndaǵy esep berý jıynynda ekstremızmdi nasıhattaǵan 16 jastaǵy jasóspirimniń isi sotta qaralyp jatqanyn málim etti. Bul týraly egemen.kz habarlady. «Teris dinı aǵymdardyń jeteginde júrgen jastardyń qaı jaǵynan da saýatsyz, tipti nadan ekenin kórip otyrmyz. Kópshiliginiń mamandyǵy joq, bilimi mekteppen shektelgen. Ekstremızmdi nasıhattap júrgen bir balanyń isi qazir sotta qaralyp jatyr. Jasy on altyda. Eki áıeli bar. Birinshi áıeli úshinshi balasyn bosanaıyn dep otyr. Anasymen aralaspaıdy», dep málim etti oblys ákimi Baqtyqoja Izmuhambetov. Byltyr jastardy teris aǵymdar jetegine erýden saqtandyrý maqsatynda 66 myń dana aqparattyq materıal taratylypty. Buǵan qosa 161 myń adamnyń qatysýymen 1 200-ge jýyq is-shara uıymdastyrylypty. Joldasbek Shópeǵul. Derek:egemen.kz. Sýret: adyrna.kz.