Vm.ru basylymynyń jazýynsha, mamandar ár adamnyń mandarınge reaksııasy ártúrli bolatynyn aıtady.
«Bireý on mandarın jep eshteńe sezbese, basqa bireýde bir ǵana jemis allergııa týǵyzýy múmkin», - deıdi dárigerler.
Sıtrýsterdegi organıkalyq qyshqyldar asqazannyń shyryshty qabatyn titirkendirip, gastrıt, oıyq jara jáne pankreatıttiń órshýine ákep soǵýy yqtımal. Sondyqtan allergııasy bar adamdar mandarınnen múlde bas tartqany jón.
Mamandar deni saý eresek adam kúnine tórt mandarınnen artyq jemegeni durys, al balalarǵa táýligine eki danadan artyq berýge bolmaıdy.
Sonymen birge dıetologtar energetıkalyq sýsyndardyń qaýiptiligine nazar aýdarady. Sebebi mundaı sýsyndar quramyndaǵy kofeın men taýrın júıke júıesine áser etip, qan qysymyn kóterip, qan tamyrlaryn taryltady.
«Energetıkterdegi hosh ıistendirgishter men tátti qospalar uıqybezge, búırek pen baýyrǵa zııan keltiredi», - deıdi mamandar.
Aıta keterligi, bir lıtr energetıkalyq sýsynda 300 mg-ǵa deıin kofeın bolýy múmkin, mundaı mólsher ınsýlt nemese ınfarkt qaýpin joǵarylatady. Sonymen qatar qanttyń kóptigi semizdik pen dıabetke alyp kelýi múmkin.
