ShQO Tótenshe jaǵdaılar departamenti baspasóz qyzmetiniń málimetine sensek, óńir boıynsha 325 ýchaskede qar kóshkini júrýi múmkin.
– Sol ýchaskelerdiń boıynda 93 shaqyrym jol men túrli ǵımarattar ornalasqan. Eger kóshkin júrse turǵyndardyń ómirine qaýip tónýi múmkin. Sondyqtan "112" qyzmetinen eskertýler jasalsa, qaýip-qaterden aýlaq bolyńyzdar jáne qar kóshkini qaýpi bar joldarmen júrmeńizder, – dep eskertti qutqarýshylar.
Aıta ketken jón, oblys boıynsha qar kóshkini qaýpi bar kezeń sáýir aıyna deıin sozylady. Osy aralyqta buqara taýǵa shyqpas buryn aýa raıy jaǵdaıyn qatań eskerýi qajet.
