Polısııanyń málimetinshe, 22 qarasha kúni qyz bala týǵan kúndi atap ótken soń balalar tobynan bólinip, ózi ketip qalǵan. Biraz ýaqyttan keıin ata-anasy onyń joǵalǵanyn baıqap, polısııaǵa júgingen.
Qalada keń kólemdi izdestirý jumystary birden bastaldy.
Izdestirý jumystaryna eriktiler, beıjaı qaramaǵan qala turǵyndary, Ulttyq gvardııa, Astana polısııasy garnızonynyń tolyq jeke quramy qatysqan.
Sýyq aýa raıyna baılanysty qosymsha kúsh pen tehnıka tartylyp, balanyń júrip ótetin múmkin aımaqtary tolyq tekserildi.
Qyz bala qalaaralyq qoǵamdyq kóliktiń baqylaýshysy bergen derek boıynsha anyqtaldy. Ol birden toqtatylyp, polısııa qyzmetkerlerine habar berilgen.
Balanyń jaǵdaıy jaqsy, ol ata-anasyna aman-esen tapsyryldy.
Astana PD birinshi basshysynyń orynbasary Ábil Ábildın ata-analardy balalardyń qaýipsizdigine erekshe mán berýge shaqyrdy.
«Balalardyń qaıda júrgenin, kimmen birge ekenin baqylap otyrǵan mańyzdy. Kóptegen jaǵdaıdyń aldyn ata-ananyń der kezinde nazar aýdarýy arqyly alýǵa bolady», – dedi ol.
