22 qarasha kúni keshki saǵat 20:00 shamasynda «Qazaq Oil» janarmaı quıý stansııasynyń mańynda turǵyndar qoıý tútin men lapyldaǵan otty baıqaǵan. Kýágerler AJS órtenip jatyr dep boljap, alańdaýshylyq bildirgen.
Alaıda óńirlik TJD bul mekenjaı boıynsha eshqandaı shaqyrtý túspegenin habarlady.
Keıin belgili bolǵandaı, dúrbeleńge sebep – 1995 jyly shyǵarylǵan Volkswagen Passat. Kóliktiń motor bóliginde elektr symdarynyń qysqa tuıyqtalýy saldarynan ot tutanǵan. Abyroı bolǵanda, jalyn órshimeı, kólik ıesi órtti óz kúshimen tez arada óshirgen. Zardap shekkender joq, janarmaı beketiniń jumysyna eshqandaı kedergi kelmegen.
