Uıymdastyrýshylar azamattardy «HALYK QUATY» kooperatıvine múshe bolýǵa shaqyryp, turǵyn úı men avtokólikterdi paıyzsyz bólip tóleý arqyly alýǵa bolady dep sendirip, paılyq jarnalardy engizýdi usynǵan.
«halykquaty.kz saıty jáne áleýmettik jeliler arqyly óz qyzmetin jarnamalap, «Ár otbasyǵa baqyt!» degen urandy paıdalanyp, «halyqtyq kooperatıv» degen jalǵan beıne qalyptastyrǵan.
«HALYK» taýarlyq belgisin zańsyz paıdalanǵany úshin ákimshilik jaýapkershilikke tartylǵannan keıin kooperatıv ataýy «ELL QUATY» bolyp ózgertilgen. Jańa salymshylardy tartý úshin basshylyq túrli marketıngtik aksııalar ótkizgen, sonyń ishinde «Solnechnaıa Týrsııa» týrıstik joldamalaryn utysqa qoıǵan», dep túsindirdi agenttik.
Qylmystyq jolmen túsken tabysty zańdastyrý maqsatynda uıymdastyrýshy óz atyna «QAZ INFO MARKET» JShS tirkep, onda kásibı, ǵylymı jáne tehnıkalyq qyzmetterge tólem retinde kórsetip, salymshylardan túsken qarajatty shyǵarǵan.
Alaıda bul qyzmetter is júzinde kórsetilmegen. Nátıjesinde pıramıdaǵa 1,5 myńnan asa salymshy tartylyp, olar jalpy 6,8 mlrd teńge qarjy quıǵan.
Uıymdastyrýshy qamaýǵa alyndy. Tergeý amaldary jalǵasyp jatyr.
