Foto: biletik.aero
Mundaı tómen kórsetkish apellıasııa mehanızminiń bolmaýy, baǵalaý rásimderin júıeli túrde qaıta qaraý tájirıbesiniń joqtyǵy jáne talaptardyń oryndalýyna baqylaýdyń álsizdigimen baılanysty bolyp otyr.
Sondaı-aq 2008 jyly bekitilgen qoldanystaǵy sanat berý erejeleri qazirgi zaman talaptary men halyqaralyq standarttarǵa sáıkes kelmeıtini anyqtalǵan. Búginde «juldyzdy» sanatty ózdiginen ıelený tájirıbesi tutynýshylardy jańylystyrýda.
Osyǵan baılanysty Týrızm jáne sport mınıstrligi qonaq úılerge «juldyz» berý júıesin jańartý barysynda Hotelstars Union halyqaralyq qaǵıdattaryna beıimdelgen naqty baǵalaý ólshemderin engizgen.
Jańa júıeni engizý nátıjesinde:
- Qonaq úı qyzmetteriniń sapasy artady;
- kelýshilerdiń qyzmet kórsetý deńgeıin oń baǵalaý kórsetkishi artady;
- Qazaqstannyń týrıstik baǵyt retindegi tartymdylyǵy kúsheıedi;
- ornalastyrý nysandarynyń resmı sanatqa qatysý úlesi ulǵaıady.
Halyqaralyq tájirıbe mundaı tásilderdiń tıimdiligin kórsetip otyr.
Mınıstrlik elimizde týrıstik ınfraqurylymdy damytý jáne qyzmet sapasyn jaqsartýǵa baǵyttalǵan birqatar memlekettik qoldaý sharasy júzege asyrylyp jatqanyn da málimdedi.
«Olardyń qatarynda taý shańǵysy kýrorttaryna arnalǵan tehnıka men jabdyqty satyp alýǵa jumsalǵan shyǵyndardyń bir bóligin óteý, jol boıyndaǵy qyzmet kórsetý nysandaryn salýdy qoldaý, týrıstik qyzmet kórsetýge arnalǵan avtokólik satyp alýdy sýbsıdııalaý, týroperatorlardyń shyǵyndaryn jáne áýe bıletteriniń qunyn sýbsıdııalaý, sondaı-aq sanıtarlyq-gıgıenalyq toraptardy kútip-ustaýǵa arnalǵan qarajat qarastyrylǵan», delingen mınıstrlik habarlamasynda.
