foto: Almaty oblysynyń baspasóz qyzmeti
Testileý qorytyndysy Ańsar Sarqytbek pen Aısha Nazardyń joǵary deńgeıdegi daıyndyǵyn, aıqyn qabiletterin jáne bilimge degen zor qushtarlyǵyn kórsetken. Sarapshylar bul granttyń oqýshylardyń tabandylyǵy jáne júıeli eńbeginiń nátıjesinde berilgenin atap ótti.
Almaty oblysy baspasóz qyzmetiniń málimetinshe, halyqaralyq grant ıegerleri 2026 jyldyń 5 qańtarynan bastap 4-synyptyń ekinshi jartyjyldyǵyn Malaızııadaǵy halyqaralyq mektepte jalǵastyratyn bolady. Oqýshylardyń oqý aqysy tolyq kólemde tólenip, barlyq qajetti akademııalyq qoldaý kórsetiledi.
Qýanyshty jańalyqty mektep ujymy ystyq yqylaspen qabyldap, oqýshylar men olardyń ustazdaryn quttyqtady.
Shetelde bilim alý jas daryndar úshin bolashaqtaǵy jetistikterge bastar mańyzdy qadam bolyp, jańa halyqaralyq múmkindikterge jol ashady dep kútilýde.
Ańsar men Aıshanyń jeńisi – talǵarlyq oqýshylardyń bilimge degen joǵary umtylysy men áleýetiniń dáleli. Pedagogter men ata-analar balalardyń aldaǵy ýaqytta da jańa bıik belesterdi baǵyndyratynyna senimi mol.
