Sońǵy jyldary jeke tutynýshylar óz úıleri men bıznes nysandaryn kún energııasymen tolyq qamtamasyz etip, artyǵyn elektr jelisine keri satyp, tabys tabatyn netto-generasııa modeli keń tarala bastady. Buryn energojúıede úlesi az bolǵan bul baǵyt búginde jańa energetıkalyq ınfraqurylymnyń mańyzdy quramdasyna aınalyp keledi.
Taratylǵan energetıka — júıeni jańǵyrtýdyń jańa kezeńi
Sarapshylardyń aıtýynsha, elimizdiń bolashaq energojúıesi iri stansalarǵa ǵana emes, myńdaǵan shaǵyn generasııa kózderine súıenetin taratylǵan modelge kóship keledi. Bul:
-
júktemeniń jazǵy shyń kezeńinde tómendeýine,
-
jelilerdiń turaqtylyǵynyń artýyna,
-
elektr sapasynyń jaqsarýyna,
-
energııa balansyn ıkemdi etýge jol ashady.
Ońtústiktegi serpin: naqty derekter
«Qazaqstandyq kommýnaldyq júıeleri» tobynyń jáne Túrkistan oblysy men Shymkentke qyzmet kórsetetin «Ońtústik Jaryq Tranzıt» kompanııasynyń deregi 2025 jyly aımaqta qurylymdyq ózgeris bolǵanyn kórsetedi.
Mıkrogenerasııanyń negizgi kórsetkishteri:
-
netto-tutynýshylar sany: 22-den 78-ge deıin ósip, 3,5 eseden astam nátıjege jetti;
-
ornatylǵan qýat: 2750 kVt → 7602 kVt;
-
jelilerge berilgen energııa: 2025 jyldyń on aıynda 3,5 mln kVt·saǵ,
(2024 jyly — 910 727 kVt·saǵ).
Ekonomıkalyq tıimdilik jáne energııa qaýipsizdigi
Kún elektr stansalary aımaqtyń energııa qaýipsizdigin nyǵaıtyp, pıktik saǵattaǵy júktemeni tómendetedi.
Qarjy nátıjesi de oń:
-
«Ońtústik Jaryq Tranzıt» jelisine netto-tutynýshylarǵa tólengen soma 200 mln teńgeden asty;
-
onyń 120 mln teńgesi — 2025 jyldyń alǵashqy on aıynda.
Bul kásipkerlerge salynǵan ınvestısııanyń jyldam ótelýine, shyǵyndardyń azaıýyna jáne nysandardyń energııa tıimdiligin arttyrýǵa múmkindik berip otyr.
2026 jylǵa boljam
Qazirgi ósim qarqyny saqtalsa, kelesi jyly:
-
netto-tutynýshylar sany 100-den asady,
-
kún stansalarynyń jalpy qýaty 10 MVt bolady.
Bul jylyna 5 mln kVt·saǵ-tan astam taza energııa óndirýge múmkindik beredi.
