Qoǵam • 24 Qarasha, 2025

E.Qarın: sońǵy 7 jylda elimizdiń azamattyǵynan shyǵýǵa berilgen ótinishter sany 25 ese azaıdy

70 ret

kórsetildi

1 mın

oqý úshin

Memlekettik keńesshi Erlan Qarınniń tóraǵalyq etýimen Qazaqstan Respýblıkasy Prezıdenti janyndaǵy Azamattyq máseleleri jónindegi komıssııanyń kezekti otyrysy ótti, dep habarlaıdy Egemen.kz Aqordanyń baspasóz qyzmetine silteme jasap.

Aıana TOǴANBEK

E.Qarın: sońǵy 7 jylda elimizdiń azamattyǵynan shyǵýǵa berilgen ótinishter sany 25 ese azaıdy

Jıynda Qazaqstan azamattyǵyna qabyldaý jáne odan shyǵarý máseleleri qaraldy.

Memlekettik keńesshi keıingi 7 jylda elimizdiń azamattyǵynan bas tartqan adamdardyń sany turaqty túrde azaıyp kele jatqanyn atap ótti.

Mysaly, sońǵy 7 jylda azamattyqtan shyǵýǵa berilgen ótinishter sany 25 ese azaıdy. 2019 jyly 1,7 myń adam azamattyqtan bas tartsa, 2020 jyly – 944, 2021 jyly – 123, 2022 jyly – 114, 2023 jyly – 107, 2024 jyly – 77, al 2025 jyly 68 adam azamattyqtan shyqqan.

Munyń bári Qazaqstan azamattyǵy ınstıtýtynyń abyroı-bedeli artyp kele jatqanyn kórsetedi. Eldegi saıası, áleýmettik-ekonomıkalyq jaǵdaı men Memleket basshysynyń reformalary turǵyndarǵa zor senim uıalatyp otyr.