– 21 qarasha kúni Beıneý aýyly Qosaı Ata kóshesinde ornalasqan Y. Altynsarın atyndaǵy jalpy bilim beretin mektep aýlasynda júrgen túlki mektepke kele jatqan 2 oqýshyǵa tap berip, aıaǵyn (baltyryn) tyrnap alǵan. Sol boıda mektep muǵalimderi men mektep medbıkesi alǵashqy kómekti kórsetip, aýdandyq kópbeıindi aýrýhanynyń qabyldaý bólimine jetkizdi, – delingen habarlamada.
Oblystyq densaýlyq saqtaý basqarmasynyń habarlaýynsha balalardyń jaǵdaıy bir qalypty.
– Beıneý kópbeıindi ortalyq aýdandyq aýrýhanasynyń jaraqat beketine 2 oqýshy ata-anasymen kelip qaraldy. Olarǵa túlki shabýyl jasaǵan. 2011 jylǵy balada oń jaq baltyr aımaǵynda syrylǵan jaraqaty, al 2018 jylǵy balada sol jaq baltyrynyń tyrnalǵan jaraqaty anyqtaldy. Ekeýiniń de jaraqatyna hırýrgııalyq óńdeý jasalyp, ekpe salyndy. Ary qaraı ambýlatorııalyq baqylaýǵa joldandy. Qazirgi ýaqytta jaǵdaılary birqalypty, – delingen habarlamada.
Al, mamandar túlkini óltirip, Aqtaýǵa veterınarııalyq zerthanaǵa jibergen.
